U mblodh Këshilli Kombëtar i Partisë Republikane Përgatitja organizative e Partisë për fushatën elektorale dhe përcaktimi i formave operative të punës që të mundësohet rezultati i kërkuar në zgjedhje. Këto ishin problemet kryesore që përcaktuan rrjedhën e diskutimeve në Këshillin Kombëtar të PRSH që u mblodh në një nga ambientet e Pallatit të Kongreseve në Tiranë, ditën e premte 22 dhjetor. Pas degjodj alternativat për organizimin e punës së Partisë për hyrjen në fushatë, të paraqitura nga raportet e sektorit Elektoral dhe të Organizimit, përkatësisht nga shefat e sektorëve dhe anëtarë të Komitetit Drejtues të PR, Arjan Madhi dhe Ismail Male, anëtarët e Këshillit Kombëtar diskutuan gjerësisht rreth tyre, duke paraqitur edhe analiza konkrete dhe mendimet e tyre për to. U kërkua veçanërisht me ngulm duke rezultuar edhe në një vendim të Këshillit Kombëtar që deri në datën 31 dhjetor të gjitha degët e Partisë të përfundojnë hartimin e listave të kandidatëve që do të përfaqësojnë Partinë në zgjedhje. Problemet e propagandës dhe të shtypit ishin objekt i diskutimeve të anëtarëve të Komitetit Drejtues të PR dhe shefave të propagandës dhe shtypit Gjok Beci dhe Neritan Alibali. Një propagandë e shkathët dhe efikase e mbështetur fuqimisht edhe nga shtypi republikan do ta bëjë edhe më të frytshme punën operative të Partisë në të gjitha strukturat e saj në qendër dhe në bazë. Shumica e diskutanteve që përfaqësonin degët nga vinin theksuan se parimi i vetëveprimit republikan, i sanksionuar edhe në Programin e ri të Partisë, duhet parë sidomos si një orientim konkret që obligon degët në përpunimin e një politike të zgjuar dhe propagandë lokale, në përputhje edhe me kushtet e zonës ku vepron dega. Këshilli Kombëtar vendosi veç të tjerash edhe krijimin e një shtabi elektoral për drejtimin e fushatës në krye të cilit u vendos të jetë zoti Sabri Godo. Korresp. "Republika" "...Sot, më shumë se kurrë, Partia Republikane duhet të përqëndrojë fuqitë e veta kundër socialistëve. Katastrofa e mundshme do të mënjanohej përfundimisht, nëse elektorati shqiptar do t'u jepte socialistëve një përgjigje dhe më të fortë se ajo e 22 marsit të vitit 1992. Por kjo vihet në dyshim, sepse socialistët kanë fituar njëfarë terreni, falë disa gabimeve të pafalshme të PD. Problemi komplikohet edhe më tej sepse PD, që e ka tepër të vështirë të shkëputet nga euforia, beson se mund të rikuperojë elektoratin e humbur. Por thyerja është e thellë. Ish-pronarët, ish-të përndjekurit, grevistët e Kukësit, s'mund të harrojnë dhunën e përdorur ndaj tyre. Pa janë edhe të papunët e kategorii të tjera të zhgënjyer nga qeverisja e paaftë, mosrespektimi i ligjeve dhe mungesa e rendit. Të gjithë këta nuk duan t'i shohin më sy socialistët, por as për PD nuk duan të dinë. Si i bëhet që këta të marrin pjesë në votime e të japin votën për demokracinë? Përgjigjia është një e vetme: të kthehen ndaj Partisë Republikane dhe Lidhjes së Djathtë... Më tej F. 3

PD përgatit projektin e saj, me proporcionalin e ulur Qeveria në janar: gati projektligjin elektoral Nr. 2 Në janar të 1996, në Parlament do të hyjë projektligji elektoral Nr. 2. Këtë e ka konfirmuar kryetari i grupit parlamentar të PD, Ali Spahia. Dhe pikërisht, këtë rradhë është opozita e paraqet propozimin e vet, i cili me peshën e PD në legjislativ, më sa duket do të fitojë mbi projektin e opozitës. Ky i fundit, projektligji Nr.1 kërkon mosndryshime në ligjin elektoral ekzistues, dhe është lënë për t'u diskutuar në Parlament në janar. Cila është përmbajtja e projektit të PD-së? Rezervimi i madh nga liderët e PD. Pak javë më parë ishte sekretari i përgjithshëm, Shehu, qё refuzer vuar t'hapё "Republikёn", se PD-ja ende ishte e pavendosur për ligjin. Madje theksoi, sipas Shehut, PD-ja ishte e pavendosur edhe nëse projektligji do të paraqitej nga Qeveria, apo nga një grup deputetësh demokratikas. Ndërsa tani, sinjalet duket se janë qartësuar. Deputeti Spahia deklaron se është Qeveria që po përgatit një projektligj të tillë. Në këtë punë të K.M. reflektohen edhe mendimet e Më tej f.4

Zotit Servet Pëllumbi / N/Kryetar Partisë Socialiste Shqiptare Zotit Namik Dokle, kryetar i Grupit Parlamentar të Partisë Socialiste Qetësoni pasionet politike të aktivistëve tuaj në pushtetin lokal Zotit Servet Pëllumbi N/Kryetar Partisë Socialiste Shqiptare Zotit Namik Dokle, kryetar i Grupit Parlamentar të Partisë Socialiste Zotërinj! Dega e Partisë Republikane Berat dhe nëndega e kësaj partie në komunën e Lumasit organizuan më 20 Dhjetor 1995 një takim të banorëve të kësaj zone me kryetarin e Partisë Republikane, zotin Sabri Godo. Disa ditë para këtij aktiviteti, gjatë kohës kur anëtarët e PR përgatitnin takimin, aktivistë të partisë tuaj, duke shfrytëzuar qenien në pushtet të socialistëve në këtë komunë, u bënin presion fshatarëve duke i kërcënuar se do t'u prisnin asistencën atyre që do të takonin Sabri Godon. Këtë e thanë një pjesë e mirë e rreth 150 pjesëmarrësve në miting. Ky kërcënim është përdorur edhe kohë më parë nga socialisti Vizi Patriku, banues në fshatin Sheqes të kësaj komune, i cili donte të pengonte një aktivitet që e organizonte dega e PR Berat në këtë fshat. Partia Republikane proteston me forcë ndaj akteve të tilla të turpshme, duke i konsideruar ato të papërgjegjshme, antidemokratike e qënjerozë [?]. Kërcënimi me uri është i rëndë se kërcënimi me armë. Ju ushtroni pushtetin duke i prerë bukën e gojës njerëzve për t'i penguar ata të marrin pjesë në aktivitete të ligjshme partiake, do të thotë të kryesh një krim të paramenduar politik dhe social. Ngjarje të tilla tregojnë qartë se gjatë fushatës elektorale segmente të caktuara rrezikojnë realisht të shkelin rregullat demokratike dhe të kapërcejnë dhunshëm limitet e caktuara të luftës politike. Duke qenë se PR do të intensifikojë kontaktet me elektoratin e saj edhe në zonat ku në administratat lokale janë në fuqi socialistët, kërkojmë prej jush që: 1. Të verifikoni ngjarjen e Lumasit dhe të mbani qëndrim objektiv dhe jo justifikues. 2. Të qetësoni pasionet politike të aktivistëve tuaj në pushtetin lokal. 3. T'u jepni udhëzimet përkatëse përfaqësuesve tuaj në pushtetin lokal që të marrin masat e duhura për t'i parandaluar akte të tilla antidemokratike. Ndryshe deklaratat tuaja për pakte sociale etj, mbeten thjesht slogane politike dhe elektorale të pavlera. Shefi Shtypit e Informacionit Zëdhënësi PR, Neritan Alibali