INTERVISTA/ “PENSIONET E USHTARAKËVE, TË RRITEN KONTRIBUTET” Gjunkshi: Kush preket nga reforma në ushtri “Ne kemi aktualisht në Forcat e Armatosura ushtarakë që kanë plotësuar afatin e qëndrimit të tyre në këto forca dhe vazhdojnë të punojnë akoma” Nga TEDI BLUSHI Shefi i Shtabit të Përgjithshëm të Forcave të Armatosura, Gjeneral Brigade, Xhemal Gjunkshi në një intervistë të dhënë për mediat, pas emërimit të tij në këtë detyrë, iu përgjigjet pyetjeve të “Gazeta Shqiptare” për reformën në ushtri, çështjen e pensioneve të ish ushtarakëve si dhe jep njëherësh sqarime për akuzat e bëra së fundmi ndaj tij. - Gjeneral, si e keni pritur emërimin tuaj në pozicionin e Shefit të Shtabit të Përgjithshëm të FA? Me lejoni fillimisht ta falënderoj “Gazeta Shqiptare” dhe juve personalisht, për interesimin që treguat për këtë intervistë. Emërimin në pozicionin e Shefit të Shtabit të Përgjithshëm të Forcave të Armatosura e kam pritur me kënaqësi e veçanërisht me ndjenjë përgjegjësie të madhe. Karriera në Forcat e Armatosura dallon nga karriera e zakonshme në administratën publike dhe sektorët e tjerë të shoqërisë. Rruga e karrierës ushtarake zhvillohet në një formë piramidale. Në bazën e...