PRESIDENTI/ DISKUTOHET LISTA E RE, “HYN NE GARE” RIDVAN BODE Malaj-Sterkaj: Duhet të dalim me emra Xhezair Zaganjori tërhiqet nga kandidimi, “GSH” e paralajmëroi më 1 qershor. PD: Do negociojmë me aleatët. Nano: Erdhi momenti im. Rama: Ka mundësi konsensusi Nga DARINA TANUSHI Grupi parlamentar i PS është përfshirë dje, në debate, pak minuta para nisjes së seancës parlamentare, e planifikuar për të votuar Presidentin e ri të vendit, më 84 vota. Edhe për këtë raund të tretë, PS nuk propozoi asnjë emër, ndërkohë që ky qëndrim i grupit kuvendor të saj nuk është mbështetur nga të gjithë deputetët e saj. Kështu, sipas burimeve konfidenciale nga grupi parlamentar i PS-së, deputetët Arben Malaj dhe Paulin Sterkaj kanë kërkuar që partia dhe forumet e saj të dalin me një qëndrim të qartë për çështjen e Presidentit. Malaj mësohet se ka qenë më i ashpër, kur i është drejtuar kreut të PS-së, Rama, që të pyeten edhe deputetët, por edhe kryesia e partisë, të caktohen qartë dhe të thuhen cilat janë modalitetet që kërkohen nga PS, në qëndrimet politike që kryetari mban kundrejt PD-së. Edhe Sterkaj mësohet se ka kërkuar që PS të dalë me emra kandidatësh për President. Ndërkohë, në deklaratën e tij të pasdites, pas tërheqjes së kandidatit Vijon në faqet 2-7