TRAGJEDIA/ 22-VJEÇARJA LORENA IMERI NDËRRON JETË NË MATERNITET Flet i ati: I erdhën dhimbjet e lindjes, mjekët e Lezhës kanë neglizhuar. Para se të vdiste po fliste normalisht. Ish-ministri Gjergj Koja: Abuzime në shëndetësi TRAGJEDIA/ 22-VJEÇARJA LORENA IMERI NDËRRON JETË NË MATERNITET VDES SHTATZENA Spitali: Atak. Familja: Faji i mjekëve Flet i ati: I erdhën dhimbjet e lindjes, mjekët e Lezhës kanë neglizhuar. Para se të vdiste po fliste normalisht. Ish-ministri Gjergj Koja: Abuzime në shëndetësi Nga AGRON LISI Një 22-vjeçare, shtatzënë në 9 muaj e ka humbur jetën në orët e para të mëngjesit të djeshëm në Spitalin Obstetrik Gjinekologjik të Lezhës. Të afërmit e Lorena Imerit nga fshati Shullaz i rrethit të Kurbinit pohojnë se ajo është paraqitur në maternitet për lindje normale, por ka vdekur pa bërë asnjë ndërhyrje kirurgjikale dhe pa mundur të sjellë në jetë foshnjën e saj. Sipas familjarëve, Lorena ka qenë në gjendje të mirë shëndetësore dhe për gjatë një ore thjesht janë bërë vetëm konsult[a]. Ata akuzojnë mjekët e maternitetit për vdekjen e 22-vjeçares dhe fëmijës që po priste të lindte. Ndërkohë, drejtori i maternitetit të Lezhës, Llesh Marku, pohon për mediat se Lorena Imeri është pritur nga mjekët, por ajo ka patur komplikacione të rënda kardiake, të cilat nuk lejuan realizimin e ndërhyrjes kirurgjikale. Burime nga ky institucion shëndetësor sqarojnë se Imeri ka gjetur vdekjen për tre minuta, pas një ataku kardiak. Vijon në faqen 13