ARLIND FUGA EKZEKUTOHET PARA SHTEPISE TEK “MYSLYM SHYRI” Vritet me 6 plumba shoku i Shullazit 34-vjeçari strehoi në banesën e tij Emiljanon dhe Gilmando Danin gjatë kohës që kërkoheshin nga policia. 6 muaj më parë u vra një tjetër shok i Shullazit, Arjan Selimi Nga THIMI SAMARXHIU Rikthehen vrasjet e bujshme në kryeqytet. Gati 6 muaj pas vrasjes së Arjan Selimit, një tjetër mik i Emiljano Shullazit është ekzekutuar me vdekje mbrëmjen e djeshme, pak metra larg banesës së tij. Arlind Fuga, personi i cili i liroi banesën Emiljano Shullazit gjatë kohës kur ky i fundit ishte në arrati, është vrarë rreth orës 21:00 në kohën kur ishte duke dalë nga një bilardo që ndodhej në katin e parë të një pallati në rrugën “Himë Kolli”, pranë rrugës së Kavajës në kryeqytet. Person ende të paidentifikuar, dyshohet se kanë pritur për një kohë të gjatë 34-vjeçarin dhe sapo kanë parë që ai të dilte, kanë hapur zjarr në drejtim të tij duke i shkaktuar vdekjen e menjëhershme. Sipas të dhënave paraprake, dyshohet që mbi 34-vjeçarin është qëlluar 6 herë me një armë zjarri tip pistolete. Ndërkaq, forca të shumta policie kanë mbërritur menjëherë në vendngjarje.... Vijon në faqen 8