POLICIA: U HETUA PËR SHPËRTHIMIN NË SHTËPINË E DORIAN MUÇËS EKZEKUTIMI I FUGËS Dyshimi, tritol ndaj nr. 2 të policisë Përcillet në banesën e fundit shoku i Emiljano Shullazit, i vrarë tre ditë më parë pranë “Myslym Shyrit”. Pyeten familjarët e viktimës: Nuk kishte konflikte Emri i Arlind Fugës, miku i Emiljano Shullazit, që u ekzekutua me gjashtë plumba mbrëmjen e së martës, ishte renditur në listën e të dyshuarve për vendosjen e eksplozivit në banesën e ish-Zv.Drejtorit të Policisë së Tiranës, Dorian Muca. Lajmi konfirmohet nga zyrtarë të lartë në Policinë e Shtetit. “Po, është e vërtetë. Arlind Fuga ka qenë në listën e personave të dyshuar për atë ngjarje, por nuk kishim prova për të bërë një arrestim të tij. Dyshimet lidhen nga pamjet filmike që kishim në dispozicion, pamje të cilat ishin fiksuar nga një kamera në derën e shtëpisë së ish-zv. drejtorit Muca. Autori i vënies së eksplozivit në shumë aspekte ngjante me të ndjerin Arlind Fuga, sa i përket gjatësisë, të ecurës dhe pjesës së mjekrës”, thanë të njëjtat burime, ndërkaq gjatë ditës së djeshme është zhvilluar ceremonia mortore për 34-vjeçarin, i cili është përcjellë për në banesën e fundit sipas të gjitha riteve të fesë myslimane,... Vijon në faqen 11