Kreu i ri i PD: Opozitë e fortë BERISHA RREFEN: SMS E MIA ME 2 KANDIDATET. ARVIZU: BASHES I UROJME FAT Ish-kryetari i PD: Votë plebishitare. Olldashi: Procesi ishte i deformuar, kush më mbështeti u pushua nga puna. PS-LSI: Zgjedhje të lira s’ka as brenda PD Nga VALENTINA MADANI Lulzim Basha është pasuesi i Sali Berishës në krye të Partisë Demokratike. Pas numërimit të të gjitha kutive të votimit, Basha mori 33.220 vota ose 80.39%, kurse kandidati tjetër, Sokol Olldashi mori 8.060 vota ose 19.61%, pra me një diferencë prej 25.160 votash. Vetëm pak momente pas mbylljes së numërimit, nga i cili rezultoi me një fitore të thellë përballë rivalit të tij në garën për kreun e PD-së Sokol Olldashi, Basha zhvilloi një takim me kryeministrin Sali Berisha. Në fjalën e tij të parë si kreu i PD-së, Basha falënderoi të gjithë mbështetësit për besimin e madh që i kanë dhënë, duke e zgjedhur në krye të Partisë Demokratike, si dhe rivalin e tij në garë, Sokol Olldashin: “Falënderoj anëtarët, strukturat dhe drejtuesit, për vlerat e larta qytetare me të cilat u angazhuan në këtë proces. Në këtë garë për herë të parë të vërtetë, e demokratët iu dëshmuan qytetarëve se jemi përfaqësuesit më të denjë të lirisë, demokracisë e dinjitetit. Vijon në faqet 2-4