MINISTRI I FINANCAVE: QEVERIA E KALUAR E LA BORXHIN PUBLIK MBI 67% Situata e rëndë ekonomike, rënie e nivelit të të ardhurave më e fortë në dy dekadat e fundit. FMN: Të ulet deficiti. Qeveria anulon vendimet e “Berishës” MINISTRI I FINANCAVE: QEVERIA E KALUAR E LA BORXHIN PUBLIK MBI 67% “VITI ME I KEQ PAS ’97” Cani: Duhen 240 mln USD borxh Situata e rëndë ekonomike, rënie e nivelit të të ardhurave më e fortë në dy dekadat e fundit. FMN: Të ulet deficiti. Qeveria anulon vendimet e “Berishës” Nga LORENC RABETA Situata e të ardhurave buxhetore është më e vështira në dy dekadat e fundit, me përjashtim të vitit 1997. Rënia drastike e arkëtimeve vjen në një çast kur qeveria e mëparshme ka ezauruar pjesën më të madhe të shpenzimeve vjetore, që do të thotë se qeverisë aktuale i duhen rreth 240 milionë dollarë shtesë për të mbyllur vitin. Këta tregues alarmantë të buxhetit u paraqitën dje nga ministri i Financave, Shkëlqim Cani, i cili tha se në vitin 2014 qeveria do të jetë e detyruar të rrisë ndjeshëm borxhin publik, i cili mund të prekë edhe kuotën e 72% të produktit të brendshëm bruto. “Pritshmëria për nivelin e borxhit në vitin 2014 është për 72-73% e PBB”, tha Cani, gjatë një konference të përbashkët për shtyp me përfaqësuesin e Fondit Monetar Ndërkombëtar, ministrin e Ekonomisë dhe Guvernatorin e Bankës së Shqipërisë. “Në këtë performancë kaq negative të mbledhjes se të ardhurave, nevojiten jo më shumë se 24 miliardë lekë borxh shtesë për të mbyllur... Vijon në faqen 2