“Bëji presion politikanit në Orikum” RREFIMI/ BASHKEPUNETORI I DREJTESISE: KERKESA, PROBLEME ME NDERTIMET I akuzuari si vrasës me pagesë: Më thanë “bëji ndonjë shpërthim ose qëllo në ajër”. Refuzova të vras 2 biznesmenë, sepse nuk më dhanë tokën e premtuar për ekzekutimin e peshkatarit Julian Sinanaj vijon “sagën” e rrëfimit tronditës, që dëshmon si asnjëherë më parë mënyrën sesi funksionon bota e nëndheshme e krimit. I akuzuari si vrasës me pagesë, që mban statusin e bashkëpunëtorit, rrëfen para prokurorëve se refuzoi të vriste dy biznesmenë ndërtimi, pasi porositësit nuk e paguan për ekzekutimin e peshkatarit Sokol Veli. Gjithashtu, Sinanaj tregon se i është kërkuar t’i bëjë presion psikologjik një politikani në Orikum për disa probleme ndërtimi. “Një shpërthim ose qëllo në ajër”, ishte kërkesa për të. Pavarësisht se Sinanaj u ka dhënë prokurorëve emrat dhe mbiemrat e personave të përfshirë në ngjarje, “GSH” ka vendosur ta fshehë identitetin e tyre për dy arsye: 1. Nuk dëshiron të cënojë procesin gjyqësor. 2. Nuk dëshiron të shpallë publikisht fajtorë persona që drejtësia deri më sot, nuk i ka cilësuar si të tillë. Në këtë pjesë, veç të tjerash, Julian Sinanaj tregon për minat me celular, pjesë e të cilave i porosiste tek një miku i tij grek, përmes internetit. Vijon në faqet 4-5