POLICIA ARRESTON 6 VETË, ZYRTARË TË ARKËS STOK DHE TË SIGURISË PRANGA 5 PUNONJËSVE Vjedhja në BSH, kapet nipi i Bitrajt Këqyrën kamerat e sigurisë, Ardian Bitraj mbushte thasët me lekë, i zbraste në tualet dhe i fshihte në trup. Kush jane 5 kolegët që janë përgjegjës për mosveprime Nga AURORA KOROMANI Shkon në tetë numri i personave të arrestuar për grabitjen e 713 milionë lekëve në Bankën e Shqipërisë. Pas arrestimit të Ardian Bitrajt dhe Mimoza Bruzias në orët e vona të mbrëmjes së djeshme, Policia e Shtetit në bashkëpunim me Prokurorinë e Tiranës, kanë vënë në pranga edhe gjashtë persona të tjerë të implikuar në vjedhjen e sivjetshme të lekëve në bankë, ndërkohë që një tjetër person është shpallur në kërkim. Rreth orës 22:30, në prangat e policisë është vënë Petrit Ramohitaj, me detyrë përgjegjës i Arkës në Veprim, në Departamentin e Emisionit në Bankën e Shqipërisë; Liljana Tusha, me detyrë specialiste e Arkës në Veprim, pranë Departamentit të Emisionit në Bankën e Shqipërisë; Lavdim Cani, me detyrë specialist i Arkës Stok (tranzit) pranë Departamentit të Emisionit në BSH; Myzejen Belba, me detyrë specialiste e Arkës Stok (tranzit) pranë Departamentit të Emisionit në BSH; Dhimitër Davidi, me detyrë... Në faqen 5