RAPORTI/ ANËTARI I KOMISIONIT TË SIGURISË ZBARDH TË VËRTETËN KONTROLLI NË SHISH Luan Rama: Nuk u përgjuan zyrtarë Thashethemet për përgjimet nga SHISH, deputeti i LSI: Në raportin e kontrollit parlamentar nuk ka asnjë artikulim të tillë. Berisha: Përgjuan shërbimet e huaja I ftuar përballë një paneli gazetarësh në emisionin “Debati në Channel One” të gazetarit Roland Qafoku, Sekretari i Përgjithshëm i Lëvizjes Socialiste për Integrim, Luan Rama, njëherazi anëtar i Komisionit parlamentar të Sigurisë, ka hedhur poshtë dyshimet e ngritura në media për përgjimin e paligjshëm të zyrtarëve të lartë të shtetit nga ana e Shërbimit Informativ Shtetëror. I pyetur nga zv/kryeredaktori i “Gazeta Shqiptare”, Tedi Blushi se sa i vërtetë është pretendimi se grup-kontrolli parlamentar që inspektoi SHISH-in ka konstatuar përgjime të paligjshme të zyrtarëve të lartë, Luan Rama deklaroi se “unë jam pjesë e Komisionit të Sigurisë, e njoh materialin që është dorëzuar në Komision, dhe në atë material të them që në atë material dhe në atë diskutim që është bërë në Kuvend nuk ka asnjë artikulim të kësaj natyre”. I pyetur gjithashtu nga zv/kryeredaktori i “GSH”, Tedi Blushi nëse LSI-ja e mbështet apo jo qëndrimin e kryeministrit... Në faqen 5