“Në dhjetor do jepen orët shtesë për punën” MINISTRITË REAGOJNË PAS SHKRIMIT NË “GAZETA SHQIPTARE” PËR PRAPAMBETJET Uniformat blu do të përfitojnë edhe lekët për shpërblimet suplementare. Ja sa do të marrin kompensim policët e strukturës së Antikrimit. Forcat e Rendit kishin paga të prapambetura që nga viti 2012 Nga AURORA KOROMANI Efektivët e Policisë së Shtetit, të cilët prej afro dy vitesh nuk kanë marrë paratë që u takojnë për orët shtesë, shumë shpejt do t’i marrin ato. Pas publikimit të lajmit në “Gazeta Shqiptare” në datën 5 tetor të këtij viti me titullin: “Efektivët e policisë, dy vjet pa marrë lekët e orëve shtesë”, duket se institucionet përgjegjëse kanë filluar ta marrin më seriozisht situatën me punonjësit e policisë, duke u premtuar atyre se lekët që u takojnë do i marrin para Vitit të Ri. Lajmi konfirmohet nga burime brenda radhëve të policisë, të cilëve ka vetëm pak ditë që u kanë transmetuar lajmin se në fund do të marrin paratë e orëve shtesë, të cilat kanë qe prej dhjetorit të vitit 2012 që nuk i marrin. Pjesë e kësaj skeme do të jenë edhe efektivët të cilëve u takojnë të marrin lekët për shpërblimet suplementare që kanë kryer gjatë kësaj periudhe. Deri tani dihet me siguri se përfitues të shumtë që Vijon në faqen 5