Në këtë periudhë të tensionimit të situatës politike, është një fakt jashtëzakonisht pozitiv që nga PD, po vijnë sinjale për nevojën e një dialogu. Kjo tregon se në këtë parti është ende gjallë fryma konstruktive, për të spostuar politikën nga rruga në tryezat e bisedimeve. Kjo, ndërkohë që nuk po mungojnë qëndrimet kritike ndaj politikës së bojkotit të parlamentit, si brenda ashtu dhe jashtë vendit. Falë sinjaleve të tilla, figura të njohura të PD, si sekretari organizativ, z.Vili Vjesiu, kanë shprehur pëlqimin lidhur me dobësinë e një tryeze ndërmjet partive të ndryshme, nën drejtimin e presidentit Meidani. Po kështu ish-kryetari i kësaj partie, Tritan Shehu, nuk ka ngurruar të prononcohet se “tryeza dhe dialogu janë elemente që mund të çojnë në stabilitetin e vendit”. Madje ai e konsideron fillimin e dialogut si një emergjencë. Duke reaguar me realizëm, Shehu apo Vjesiu, vënë në dukje faktin se dialogu, pavarësisht nga rezultatet, është gjithmonë pozitiv. Pro tryezës është shprehur dje edhe deputeti Pjetër Arbnori, i cili ka kërkuar lirí dhe respektim të fjalës së opozitës. Deklarime të tilla të liderëve të PD, janë shpresëdhënëse për normalizimin e situatës aktuale. Në radhë të parë, duke pranuar presidentin Meidani si një arbitër të paanshëm në tryezat e partive, liderët e PD që janë në favor të dialogut, e vlerësojnë sinqeritetin e zoti president, duke mos ushqyer asnjë dyshim për shkelpëutjen e tij nga partia, në të cilën ai militon jo më shumë se një vit. Së dyti, ekzistenca e një rryme të fuqishme në gjirin e PD në favor të dialogut me kundërshtarët politikë, tregon se kjo parti jo shumë larg do të jetë një forcë politike e emancipuar, e aftë për të përballuar sfidën e alternativës me socialistët dhe partitë e tjera që janë aktualisht në pushtet. Së treti, kthimi tek dialogu dhe tryezat do të jetë një goditje tepër e rëndë për fanatikët dhe rrymat revanshiste që militojnë akoma në gjirin e dy partive më të mëdha të vendit, të cilat përfaqësojnë politikën shqiptare tani për tani. Pas prononcimeve të tilla të ardhura nga një pjesë e lidershipit të PD, është detyrë imediate e PS që t’u përgjigjet pozitivisht hapave të tilla, të ardhura nga krahu tjetër. Kështu, p.sh. PS të arrdhura e saj që kanë shumicën në parlament do të ishte mirë të modifikonin projektet e tyre për miratimin e kushtetutës duke e spostuar një pjesë të procesit në tryezat e përbashkëta me PD dhe partitë e tjera, qofshin këto edhe joparlamentare. Por pavarësisht nga ato që janë vendosur në të kaluarën është mirë që kushtetuta të nisë udhëtimin e saj drejt miratimit, nga tryeza ndërmjet partive. GAVROSH LEVONJA

Kryeministri dhe kryetari i Partisë Socialiste, Fatos Nano Foto G.SH.KULLAKU Kryeministri dhe kryetari i Partisë Socialiste, Fatos Nano. Foto G.SH.KULLAKU

Bankat çlirojnë depozitat e fajdeve. Kompanitë huamarrëse Silva, M.Leka dhe Cenaj&Co fitojnë lirinë bankare. Mund të tërheqin mbi 30 milion lekë në ditë “ S’ot ne kemi hequr sanksionet për kompaninë Silva, M.Leka, Cenaj pranë të cilave janë vendosur administratorë të përkohshëm. Lëvizja e depozitave të këtyre kompanive, do të bëhet përkundrejt dy firmave. Krahas firmës së përfaqësuesit të firmës që po i nënshtrohet kontrollit do të jetë edhe firma e administratorit që po e kryen atë të gjitha çekët apo transaksionet. Në rast se ky kusht nuk plotësohet reciprokisht, ne nuk do të lejojmë asnjë lloj transferte për këto kompani” - u shpreh drejtori i përgjithshëm i Bankës Tregtare Kombëtare, Spiro Brumbulli. F 8-9

Tryeza PS-PD me Meidanin ndan demokratët F 3

Skadoi afati i dorëzimit. Nisin sanksionet F 2

Alarmi në zyrat e shtetit. Mijëra të rrezikuar F 11

Aksione të policisë në Athinë, Ersekë, Elbasan F 13

Nga Vlora mbërrin superdosja e kapobandës F 2

Multimiliarderi amerikan, Xhorxh Soros ka shtyrë ardhjen e tij në Tiranë të planifikuar për në 2 tetor. Shkaqet e anulimit të vizitës së paralajmëruar të Sorosit nuk janë bërë të qarta, ndërkohë që nuk është caktuar ende data e vizitës së shtyrë.