Akt i rrallë për politikën shqiptare - Kryeministri, paqe me kryebashkiakun e Tiranës Kryetari i Bashkisë së Tiranës: Është një akt qytetarie Faqe 3

Alarm i nëpunësve lokalë të kryeqytetit F 2

Sarandë, trafikantët kalojnë një anije me cigare F 15

Zhvillimet e fundit në PD kanë nxjerrë edhe një herë në rend të ditës problemin e ekzistencës së fraksioneve në gjirin e partisë. Duke u nisur nga fakti që fraksioni është shenjë emancipimi dhe tregon se në parti ka demokraci të brendshme, një pjesë e mirë e drejtuesve të partisë duke përfshirë edhe bashkëpunëtorë me besnikë të liderit Berisha, si Arbnori, Shehu, Vejsiu e ndonjë tjetër, janë shprehur pa ekuivoke në favor të bashkëjetesës në parti të grupeve me individë që “mendojnë ndryshe”, duke mos përfillur kështu faktin që udhëheqësi i padiskutueshëm i PD nuk pajtohet me ide dhe qëndrime të tilla. Po kohët e fundit, kur përgatitjet për kuvendin e ardhshëm të PD janë në fazën përfundimtare, flamurin e fraksionit po e valëvisin më së shumti përkrahësit e “Lëvizjes Reformiste” si dhe pjesa më e madhe e degëve të PD në jug të vendit. Është pikërisht kjo pjesë e kësaj partie që shikon tek ekzistenca e fraksioneve në parti njërin nga mjetet më të efektshëm për të futur një frymë demokratike, duke e çliruar PD nga vargonjtë e autoritarizmit të Berishës. Jo më kot, pjerin nga protagonistët e “Lëvizjes Reformiste” shprehej se: “ne kërkojmë të ndërtojmë një parti demokratike me ose pa Berishën”. Duke u nisur nga prononcime të tilla po edhe nga aktiviteti i deritanishëm i “reformistëve”, të krijohet përshtypja se ndryshe nga “planprishësit” e tjerë, këta kanë vendosur të mos largohen nga gjiri i partisë. Megjithatë, fakti që këta po shprehen të gatshëm për të zhvilluar një kongres tjetër, kjo nuk paralajmëron gjë tjetër veç divorcit përfundimtar me PD dhe krijimin përsëri të një partie të re. Diçka e ngjashme ndodhi me partinë “Lëvizja e Legalitetit” pak vite më parë apo me “Prosperitetin Demokratik” të shqiptarëve të Maqedonisë. Kjo është njëra anë e paradoksit. Ana tjetër është këmbëngulja e Berishës për të kundërshtuar ekzistencën e “dy vijave” në parti. Një qëndrim i tillë është i pashpjegueshëm po të kihet parasysh fakti se në kohën që në radhë e “Lëvizjes Reformiste” nuk ka asnjë figurë “me peshë”, duke përjashtuar të mërguarin Selami, asnjë nga emrat e shquar të PD, nuk preferon të dalë në duel me Berishën. Konkretisht të gjithë këta, janë shprehur kategorikisht se nuk do të jenë kandidatura alternative kundër Berishës. Në të dy këto raste del në pah paaftësia e rrymave të ndryshme në një parti për të bashkëjetuar. Kuptohet se aq më e vështirë është bashkëjetesa ndërmjet forcave politike të ndryshme. G.LEVONJA

Albert Brojka, Kryetari demokrat i Bashkisë së Tiranës Foto A.BABANI Albert Brojka, Kryetari demokrat i Bashkisë së Tiranës. Foto A.BABANI

Dje udhëtim i frikshëm, nga ishujt grekë në malet shqiptare Difekt i avionit në linjën Athinë- Selanik- Tiranë. Shpëton për mrekulli jeta e dhjetra pasagjerëve Difekt i avionit në linjën Athinë- Selanik- Tiranë. Shpëton për mrekulli jeta e dhjetra pasagjerëve Nga NIKOLLË LESI TIRANE - Historitë rrëqethëse të avionëve të rrëzuar e të mbuluar më pas nga mistere pafund, i kemi parë nëpër filma apo kronika televizive. Dhe në ç’do rast është folur për të vdekur, pra për jetë njerëzish, dikë të humbur, dikë të sakatuar e të përvëluar nga flakët e avionit. Megjithatë te përjetosh vetë pragvdekjen është një tmerr krejt ndryshe. F 2

Sulm i policisë kundër trafikut ilegal në Jug F 13

Kishin hequr uniformat dhe ishin bashkuar me Berishën F 6

Prodi takon Meidanin, Nano i telefonon nga Tirana F 3

Berisha përgatit aktivin e kryeqytetit F 5

RIFILLON Sezoni i ri i TELEBINGO Lexo në faqen 7