Shqiptari qe tmerron Greqinë me 18 pengje
Dje, aventura e rrallë e një emigranti shqiptar. Merr peng autobuzin në Selanik dhe udhëton drejt Korçës. Kërkoi 150 milionë dhrahmi si dëmshpërblim
faqe 3 Të jemi edhe pragmatiste 23 vjeçari Flamur Andoni nga Korça, me automatik në dorë, duke udhëtuar me autobuzin e pengjeve greke Që në orët e para të mëngjesit të djeshëm, kur greku i parë bleu gazetën dhe pa në faqen e parë foton e një shqiptari të armatosur me kallashnikov, jo pak prej tyre reaguan me tronditje. Shqiptari e kishte kthyer në një lojë të rrezikshme aventurën e vet si emigrant i paligjshëm. Mbi 12 orë lëvizjesh me autobus në drejtim të kufirit greko-shqiptar, me njëzet pengje dhe me qindra policë e forca ushtarake nga mbrapa. E tmerrshme ishte që situata mund të zgjidhej çdo çast me gjakderdhje. Shqiptari i ri në moshë, 23 vjeçari nga fshati Mëborje i Korçës, që ishte futur në Greqi me emigracion të paligjshëm, kishte punuar me vite me radhë në Selanik. Dy ditë më parë policia greke e kishte arrestuar së bashku me 17 shqiptarë të tjerë ilegalë dhe i kishte lënë me afat 500 mijë lira për të ikur nga Greqia. E pamundur të mblidhej ajo shumë për shqiptarët e mjerë! Atëhere atij i lindi ideja për të realizuar një akt të tillë tronditës para syve të medias greke e botërore. Flamur Andoni mbërtheu automatikun me fishekë në tytë dhe urdhëroi shoferin e autobusit të nisej e të udhëtonte drejt kufirit greko-shqiptar. Fytyra e tij kishte një pamje jo normale nga gjendja e rëndë e emocioneve. Ende askush nuk e merr vesh se si atij i ka lindur ajo ide e tmerrshme në autobus. Policia e ka ndjekur nga mbrapa në tërë itinerarin e saj me snajperë e forca të shumta ushtarake. Në pamje të parë edhe vetë shqiptarët në Greqi ishin të tronditur, por edhe një pjesë e opinionit grek po e quante atë si një gjendje të çastit që lidhej me mjerimin e emigrantit shqiptar. Fjala është për sigurinë, rendin dhe jetën e dhjetëra personave në autobus. Çdo orë në mesditë televizioni shtetëror grek njoftonte se shqiptari i ri lëvizte me pengjet në drejtim të Kakavijës. Jepen urdhëra të rrepta edhe për përgatitje të policisë shqiptare. Askush nuk e merrte me mend se aventura e paparashikuar do të hynte në një fazë dramatike. Me të vërtetë drama qe po vërsën në Shqipëri. Policia greke kishte lëshuar edhe helikopterin ushtarak nga ajri, i cili vazhdimisht i qëndronte nga mbrapa. Më kot. Shqiptari po e vazhdonte odiseen e tij drejt kufirit të Kapshticës. Mbi 10 automjete të policisë greke po e ndiqnin autobusin. Forcat e shumta greke kishin bllokuar të gjitha rrugët që të çonin në drejtim të Shqipërisë. Fjala është të shpëtojmë jetët e pengjeve. Udhëtimi i autobusit grek vazhdonte në drejtim të Korçës. Gazetat greke shkruanin me germa të mëdha se shqiptari po hynte në Korçë me pengje. Në të vërtetë drama qe po vërsën në Shqipëri. Shqiptari mund të kërkonte azil politik për të shpëtuar jetën. Fjala është për jetën. Në darkë zyrtarë të lartë të policisë shqiptare u takuan me ministrin e Rendit, Petro Koçi, për të bashkërenduar veprimin me policinë greke. Shprehej se në autobus kishte edhe një fëmijë vetëm 6 muajsh. Duket se shqiptari qe bërë me nerva për të dytën ditë rresht. Në mbrëmje vonë ai shfrytëzonte si peng edhe shoferin e autobusit. Sipas çdo versioni, ai kishte dy kërkesa për qeverinë greke. 150 milionë drhami si dëmshpërblim dhe të çonin të qetë deri në shtëpinë e tij në Mëborje të Korçës. Situata në orët e vona u përkeqësua deri në shkëmbim zjarri. Në ndihmë kishin ardhur edhe forcat speciale nga Tirana. Duke ditur se rasti po tërhiqte vëmendjen e tërë Europës, autoritetet greke e vonuan në maksimum operacionin për ta neutralizuar me forcë shqiptarin me automatik. Se ç'do të ndodhte pas orës 11 të mbrëmjes, askush nuk e merrte me mend. Më vonë lajmet u ngatërruan dhe duhej të vërtetohej versioni i parë se shqiptari ishte vrarë, duke lënë të vrarë e të plagosur edhe pengje. Kjo e fundit ishte një tragjedi duke kompromisuar po ashtu, heshtjen e humanizmit per forcat greke.