Vlora, Vlora... FOTO: Armando BABANI 50 000 demokratë me 40 ënveristë Nga ASIF PATOZI Në shesh, ishin 50 mijë vlonjatë entuziastë, ashtu si edhe vlonjatë të tjerë pa fund, të shpërndarë në rrugët e qytetit e kudo përreth. Ishte një triumf madhështor dhe i pazakontë i berishizmit e njëherësh një përmbysje flagrante e mitit të Vlorës dhe një akuzë e pamëshirshme për qeverisjen e Rilindjes dhe të aleatëve të saj. Nuk e vërtiti as Policia e Shtetit, as SHIK-u, as qeveria, as Musaka[?] i nënbotës, as disa me emër dhe shumë pa emër, që ka mbërthyer fshehtas sa dhe hapur, gjithë qytetin e Vlorës. Përkundrazi, kishte vetëm një zemërim të thellë e të kudondodhur ndaj pushtetarëve, të cilët kishin bërë ç’është e mundur për ta sabotuar këtë miting me sytë nga frika dhe mendjen tek urrejtja.