Goxha e zgjodhi te pankartat e shkrimeve anonime të vendosura përgjatë ditës kudo në qytetin e Peshkopisë e deri në hyrje të saj! Sugjestive emërtimet e sloganet e shoqëruara me ekzagjerime. Kërkonin me mënyra dhe forma të ndryshme të sensibilizuesve njerëzit për të votuar jo për A) e D) e djathtë por me të gjitha forcat kundër komunistëve! Për t'i bërë jehonë sa më të madhe kësaj çudie, të irrituar e të çuditur, e ndaluam me mikun tim në Peshkopi, profesorin e gjuhës shqipe, zotin Xhezair Duka. I ulur qetë e me një lloj revolte të përmbajtur e mbushur me një ndjenjë krenarie, Duka, pasi hodhi shikimin e tij përqark më tha: "Kjo është fushatë elektorale. Këta e quajnë pluralizëm!" Aq më tepër kur një tip i tillë fushate me etiketë politike ishte në kundërshtim të plotë me etikën njerëzore dhe politike. Ajo i ngjante më tepër presionit e terrorit psikologjik ndaj votuesve. Kjo të krijonte përshtypjen se ata që kishin mbushur muret me këto parrulla e slogane, nuk besonin në forcat e tyre, por në frikën që mund t'u krijonin të tjerëve. Për të qenë i sinqertë nuk është e vështirë të kuptohet se një klimë e tillë e përgatitur me zell e synime të mbrapshta, nuk ka asnjë lidhje me demokracinë e vërtetë, me pluralizmin, me garën e ndershme politike. Ajo më kujtoi periudha të errëta, ku urrejtja ndaj kundërshtarit zëvendësonte argumentin politik. Në vend që partitë t'u paraqisnin njerëzve programet, alternativat, kandidatët më të mirë, ato zgjodhën rrugën më të lehtë: shpifjen, denigrimin, frikësimin. Ka pasë edhe skena e ngjarje të tilla që të krijonin bindjen se në këto zgjedhje PS-ja po ftohej haptas e me mjete të ulëta të mos merrte pjesë si force e barabartë. Dhe çuditërisht, kjo ndodhte në një vend ku njerëzit kishin bërë sakrifica të mëdha për t'u shkëputur nga e kaluara dhe për të ndërtuar jetën e tyre të lirë. A nuk ishin zgjedhjet mënyra më e qytetëruar për të treguar vullnetin popullor? Përse duhej që ky proces të deformohej deri në këtë masë? Më tej, në biseda me qytetarë të ndryshëm, u ndie qartë se zhgënjimi ndaj qeverisjes aktuale po thellohej. Papunësia, varfëria, mungesa e rendit, rritja e pasigurisë, premtimet e pambajtura, kishin bërë që një pjesë jo e vogël e njerëzve të kërkonin ndryshim. Por ky ndryshim nuk duhej bërë me revan hakmarrjeje e me gjuhën e urrejtjes. Shqipëria kishte nevojë për qetësi, për institucione të forta, për shtet ligjor dhe për politika që i shërbejnë njeriut. Në këto kushte, zgjedhjet e parakohshme duken jo si një kapriço politike, por si një domosdoshmëri kombëtare. Ato janë rruga për t'ia kthyer vendit besimin, për t'i dhënë fund krizës së përhershme politike dhe për të rivendosur legjitimitetin moral të qeverisjes. Populli duhet të shkojë përsëri para kutive të votimit, jo më për të përmbysur një sistem, por për të shpënë në pushtet ata njerëz dhe forca politike që i garantojnë në tepëri liri, demokraci, paqe, prosperitet, mirëqenie, shtet ligjor. (Vijon në faqen 4)

Zhvilloi punimet konferenca «Shqipëria dhe Evropa e re» Dje në një sallë të pallatit të Kulturës u organizua veprimtaria e fondacionit “Friedrich Ebert”, që kishte për qëllim t'i paraqiste publikut të gjerë pjesën e dytë të raportit “NATO dhe Europa e re” me konferencier zotin Alan Dyer. Në këtë takim, ku veç së tjerash merrnin pjesë ambasadori gjerman në Tiranë zoti Werner Daum, ambasadori i Holandës zoti Jan van Vlijmen, shefi i marrdhënieve me jashtë në PS zoti Fatmir Xhafa, shefi i grupit parlamentar të PS zoti Luan Hajdaraga dhe zoti Arta Dade, drejtor i Institutit të Studimeve Bashkëkohore, zoti Alan Dyer mbajti një kumtesë mbi temën “NATO dhe Europa e re”. Ai ndër të tjera theksoi se sipas tij stabiliteti në Shqipëri është një ndër elementët kryesorë për stabilitetin në Ballkan dhe më gjerë. Njëherësh zoti Alan Dyer u shpreh se NATO ka nevojë për një rikonceptim të rolit të saj në kushtet e reja të Evropës pas Luftës së Ftohtë. Në diskutimet që pasuan, pjesëmarrësit trajtuan çështje që kishin të bënin me integrimin e Shqipërisë në strukturat euroatlantike, me perspektivën e zhvillimeve demokratike dhe me rolin e forcave politike shqiptare në këtë proces. (Vijon në faqen 4)

VIDHEN MAGAZINAT E PO ICISË FINANCIARE NË PUKËS NË PARËS SHKUP: Gurri për një kohë të gjatë ka qendruar i humbur në magazinat e rezervës shtetërore, qoftë e blerë e me inventar, dhe për pasojë e paçmontuar me qëllim. Pasi, siç mësohet, kjo pajisje i ka kaluar me vendim të Këshillit të Ministrave dikasterit të rendit për nevojat e PTSH së Pukës. Më pas ajo është çmontuar pjesërisht dhe është zhdukur. Sipas burimeve lokale, në këtë veprim janë implikuar persona të ndryshëm që kanë pasur hyrje në magazina dhe kanë përfituar nga mungesa e kontrollit. Rasti ka krijuar mjaft shqetësim, pasi bëhet fjalë për pasuri shtetërore dhe për një strukturë që duhej ta ruante rendin e ligjin. Ndërkohë, specialistë të fushës së drejtës shprehen se çështja mund të marrë përmasa ndërkombëtare nëse provohet implikimi i palëve të huaja ose shkelja e kontratave përkatëse. Kjo do ta çonte dosjen në instanca të tjera dhe do të dëmtonte më tej imazhin e institucioneve shqiptare. Po hetohen dokumente, lëvizje malli dhe përgjegjësi individuale. Deri tani nuk ka një qëndrim zyrtar përfundimtar. (Vijon në faqen 4)

Uzina e superfosfatit në Laç ne prag të mbylljes Duke parë gjendjen sot në uzinën e superfosfatit në Laç, gjithkujt i lind natyrshëm pyetja: si u katandis kjo ndërmarrje në këtë gjendje? Dikur një prej objekteve industriale me rëndësi, sot ajo po shkon drejt mbylljes. Për shkak të mungesës së lëndës së parë, amortizimit të pajisjeve, mungesës së tregut dhe politikave të gabuara ekonomike, prodhimi ka rënë në minimum. Punëtorët janë në pasiguri të plotë, ndërsa specialistët paralajmërojnë pasoja të rënda për bujqësinë dhe ekonominë vendase. Mbyllja e kësaj uzine do të rëndonte më tej situatën sociale në zonë dhe do të shtonte papunësinë. Në vend që të kërkoheshin rrugë për ringritje e modernizim, institucionet duket se po e lënë në harresë këtë aset të rëndësishëm. (Vijon në faqen 4)

Siç bën të ditur zëdhënësi i Ministrisë së Jashtme Jugosllave, në kulmin e luftës politike e ekonomike që zhvillon Greqia kundër FYROM, qeveria jugosllave do të marrë një vendim për të dëbuar 4-5 diplomatë grekë. Një vendim i tillë është marrë nga qeveria jugosllave si masë reciproke kundër vendimit grek për të dëbuar një diplomat jugosllav nga Selaniku. Sipas agjencive të huaja, situata ndërmjet Athinës dhe Shkupit mbetet e tensionuar. Mosmarrëveshjet për emrin, simbolikën dhe disa çështje të tjera politike vazhdojnë të rëndojnë marrëdhëniet mes dy vendeve.

Alternativa e socializmit demokratik, alternativë që ofron zgjidhjet më optimale në kushtet e Shqipërisë Takimi me të rinjve eurosocialistë të zonave 3 verilindore të Shqipërisë në rrethin e Mirditës.