Në favor të bashkëpunimit me Internacionalen Socialiste Komunikatë për shtyp e PDSI-së Sekretari Ndërkombëtar i PDS Piero Fasino priti sot nënkryetarin e Partisë Socialiste të Shqipërisë Ilir Meta. Në këtë takim asistoi dhe Marko Bini, i Departamentit Ndërkombëtar të PDS. Ne qendër të bashkëbisedimit ishin marrëdhëniet dypalëshe ndërmjet Italisë dhe Shqipërisë si dhe raportet e bashkëpunimit ndërmjet PDS dhe PSSH. Fasino përshëti impenjimin e plotë të PDS, se Shqipëria jo bën një pjesë përbërëse politikës së jashtme italiane. Nëpërmjet operacionit “Pelikan”, - nënvizoi Fasino, - Italia ndihmoi Shqipërinë në këto vite të fundit për të kapërcyer emergjencën dramatike. Tani duhet mbështetur Tirana që të hyjë në një fazë të vërtetë zhvillimi dhe që Shqipëria të ndërtojë infrastrukturën e saj bazë, të modernizojë bujqësinë dhe tregtinë e saj, të kanalizojë investimet e reja prodhuese dhe të formojë një klasë të re drejtuese. Për këtë qëllim PDS kërkon nga Qeveria Italiane që të shtrojë për diskutim në Parlamentin gjendjen e këtyre marrëdhënieve midis këtyre dy vendeve dhe në këtë kuptim propozon që Italia të jetë aktive në tre drejtime: mbartimi i një programi për një partneritet të fuqishëm italo-shqiptar për fushat kryesore të veprimtarisë ekonomike dhe infrastrukturore; mbështetja e Italisë për asociimin e Shqipërisë në Bashkimin Evropian; krijimi i një Grupi (Task-force) të posaçëm për realizimin e këtyre objektivave. Gjatë takimit PDS, që ka raporte permanente me Partinë Social-Demokrate të Shqipërisë, manifestoi interesimin e saj për të intensifikuar marrëdhëniet me Partinë Socialiste të Shqipërisë në favor të bashkëpunimit progresiv të saj me Internacionalen Socialiste. Romë, 8 janar 1996 Piero Fasino, shefi i marrëdhënieve me jashtë i PDS-së dhe bashkëkryetar për Europën Qendrore e Lindore i Internacionales Socialiste dhe Nënkryetari i PSSH Ilir Meta. Intervistë e nënkryetarit dhe shefit për marrëdhënie me jashtë të PSSH Ilir Meta Faqe 3