Mungojnë sekretarët socialistë Foto: A. Gena TIRANË, 15 (zëri i popullit).- Ceremonia festive me rastin e 7 vjetorit të krijimit të FRESSH-it, e filluar nga ora 18.00 në mjediset e hotelit "Tirana", është shoqëruar me muzikë live, kërcime, dhe humori. Në fjalën e tij për këtë përvjetor kryetari i FRESSH-it, Erjon Braçe ka përshëndetur gjithë të rinjtë e pranishëm, duke i vënë në dukje dhe sakrificat që ka bërë kjo forcë politike në 7 vjet. Më pas Erion Veliaj i ka dorëzuar zotit Fatos Nano një kostum popullor me mbishkrimin "Vlonjat i nderit". Një gjë e tillë u konsiderua nga të shumëpriturit në këtë mbrëmje si jo më e gjetura. Ai po ashtu i uroi dhe ditëlindjen kryetarit të PSSH-së. Munguan në këtë gëzim Arta Dade, sekretare për marrëdhëniet me jashtë e PSSH si dhe sekretari organizativ i kësaj partie, Ylli Bufi. Pjesëmarrësit, ndër të cilët dhe kryeministri Pandeli Majko e kryeparlamentari Skënder Gjinushi, panë në ekranet e sherbimit, një videoklip të këngëtarit Vasil Tole me himnin e 7 vjetorit të FRESSH. Takimi, i cili zgjati deri në mesnatë dhe në të cilin mungonte çifti Meta, u mbyll në orët e para të mëngjesit. Në mbyllje u zhvillua një kokteil i shumllojshëm pas së cilës Erjon Braçe u largua së bashku me disa forumistë për në lokalet e natës. Simpatik ka qenë humori i qarkulluar, ku shprehej se dalja e FRESSH-it në qeveri i la të rinjtë socialistë pa sekretarë. Fjalën e fundit mbrëmë e tha deputetja Mimoza Hafizi, e cila është njohur me pseudonimin "Mona sexy", duke ftuar pjesëmarrësit t'i drejtohen kurorës.

ITALIANË DHE SHQIPTARË PLAN TË PËRBASHKËT FAQE 16

AMBASADORA AMERIKANE: TAKIM ME MADHRAÇEN AMBASADORA AMERIKANE, TAKIM ME MADHRAÇEN Ushtria është e gatshme të mbrojë vendin FAQE 2

PRESIDENTI I KOSOVARËVE KONFIRMON VIZITËN FAQE 5