500 vjet pas Kolombit... Ndoshta nga se është më lehtë e realizueshme, por Amerika është bërë një kartë, së cilës dy partitë që kanë shijuar pushtetin, PD dhe PS, i japin një rëndësi tepër të madhe. Sigurisht, më tepër se për të marrë nga Amerika atë që kanë nevojë shqiptarët, emri i superfqisë botërore përdoret për t’i dhënë besueshmëri para shqiptarëve njërës ose tjetrës prej dy partive të mësipërme. Ndodh kështu një nga paradokset e shumta të jetës dhe në veçanti, politikës shqiptare të këtyre viteve, pa përmendur absurditetet e diktaturës 50-vjeçare. Normalisht, një forcë politike që mendon për vendin dhe shtetasit e saj, para se të fliste në programin e saj për Amerikën apo Evropën, duhet të siguronte zgjedhësit se do të rregullonte dritën, ujin e gjëra të tjera për të cilat vuajnë sot shqiptarët. Por, me Amerikën dhe Perëndimin në Me tej f.4

Havier Solana tre muaj pas kurorës së Sekretarit të Përgjithshëm të NATO-s, viziton Shqipërinë Mëftesë të ministrit të Punëve të Jashtme të Shqipërisë, z. Alfred Serreqi, në datat 1-2 maj 1996 vjen për një vizitë zyrtare në vendin tonë Sekretari i Përgjithshëm i NATO-s, z. Havier Solana. Vizita kryhet në kuadrin e një turneu që z. Solana do të bëjë në një numër vendesh pjesëmarrëse të programit të Partneritetit për Paqe. Solana erdhi në krye të NATO-s pas dorëheqjes së Vili Klausit, i akuzuar për rrushfet në lidhje me helikopterët italianë të blerë nga Belgjika. Havier Solana ka qenë për 20 vjet rresht ministër i Jashtëm i Spanjës, dhe është një personalitet që gëzon një reputacion të jashtëzakonshëm në botë. Kandidatura e tij për sekretar të përgjithshëm të NATO-s u pranua njëzëri nga të gjithë vendet anëtare të NATO-s. Kjo është hera e parë që kreu një numër i Bllokut të Paqes bën një vizitë në Shqipëri. Siç dihet, programin e Partneritetit për Paqen Shqipëria e ka firmosur në prillin e vitit 1995 dhe një kompani shqiptare, pas vizitës së Solanës, do të shkojë në Bosnje në kuadrin e forcave të UNPROFOR-it, të cilat do të qëndrojnë dy vjet në mbrojtje të Marrëveshjes së Dejtonit. Ndoshta vizita e Solanës do të vendosë përfundimisht edhe fatin e Shqipërisë për asociimin në NATO. Partia Republikane ka qenë një ndër të parat që ka përkrahur anëtarësimin e Shqipërisë në NATO dhe në të gjitha takimet që kanë pasur liderët e saj me personalitete të NATO-s e kanë shtruar si një kërkesë parësore. S.R

Megjithatë provimi i verifikimit ende nuk ka filluar Pavarësisht se nuk është shpallur dita zgjedhjeve, afrimi i saj ka vënë në lëvizje forcat e ndryshme politike, të cilat do të konkurrojnë në betejën elektorale të qershorit. E veçanta e këtyre zgjedhjeve është se njerëzit që do të kandidohen për të zënë një vend në parlament, janë të detyruar të kapërcejnë pengesën që quhet “Komisioni i verifikimit të figurave”. Kështu, pranë këtij komisioni, i cili ende nuk dihet me saktësi nëse ekziston konkretisht, kanë mbërritur emrat e parë, të cilët do të jenë objekt i analizave të komisionit. Natyrisht, emrat që kanë mbërritur pranë komisionit, të cilit nuk i dihet saktësisht as adresa, vijnë nga opozita, në radhë të parë … Për pas të dhënave të ardhura nga parti të ndryshme, në dyert e komisionit të “virgjërisë” kanë trokitur emra politikë të ndryshëm, në dyert e komisionit të … Me tej f.4

Dje në mbrëmje ka mbërritur në Tiranë ministri i Mbrojtjes së Gjermanisë, Folke Ryhe. Axhenda e takimeve të tij fillon me Presidentin Berisha, vazhdon sot me ministrin e Mbrojtjes, Zhulali, dhe do të përfshijë një seri të tjera takimesh me Personalitete të larta të shtetit shqiptar. Megjithëse kjo është vizita e parë e një ministri gjerman të Mbrojtjes në Tiranë, ajo nuk është diçka e jashtëzakonshme, as për palën shqiptare e as për atë gjermane. Në bashkëpunimin ushtarak të Shqipërisë me Perëndimin, vizita të tilla janë bërë prej kohësh diçka e natyrshme. Shqipëria forcon në kë të mënyrë bashkëpunimin e saj ushtarak me NATO-n, pasi është bërë anëtare e nismës “Partneritetet për Paqe”. Krahas Shteteve të Bashkuara të Amerikës dhe Turqisë, Gjermania me ushtrinë e saj është, padyshim, një ndër partnerët më të rëndësishëm edhe në aspektin ushtarak. Viti 1995 i dha një vlerë të re këtij bashkëpunimi, për shkak të ngjarjeve të rëndësishme. Në manovrat e shumta të NATO-s në Shqipëri dhe në kufi me Shqipërinë morën pjesë, rregullisht, dhe ushtarë gjermanë, kryesisht në sektorin sanitar dhe të logjistikës. Në tetor 1995 zëvendësministri i Mbrojtjes i Gjermanisë, Bernd Vils, ishte në Tiranë, ndërsa në vjeshtën 1995 ministri shqiptar i Mbrojtjes, Safet Zhulali, qe mik i qeverisë gjermane. Më 20 tetor të dy ministrat e Mbrojtjes, Zhulali dhe Ryhe, nënshkruan në Bon një deklaratë të përbashkët, e cila u garanton forcave të armatosura të Shqipërisë, mbështetjen gjer… Me tej f.4

Pas përfundimit të kongresit të Partisë Socialiste, zoti Sabri Godo, kryetari i Partisë Republikane dhe kryetari i radhës i Lidhjes së Djathtë të Shqipërisë, reagon ashpër duke i quajtur aleancat e vendosura, por të pashpallura në mes Partisë Socialiste, Partisë Social-Demokrate dhe Aleancës Demokratike, si mjaft të dëmshme për interesat e Shqipërisë. Zoti Godo thotë: “Duket se të gjitha këto janë në lojë fjalësh. Kjo do të jetë një aleancë e vërtetë e të tre demokludekset për këtë parti që deri tani kanë tentuar të krijojnë një Poline Endres, kryepolekuilibrua, u zhvendos dhe po shkon drejt bashkimit me Partinë Socialiste në forma të kamufluara”. “Nga ana tjetër, duke bashkëpunuar me Partinë Socialiste, Partia Social-Demokrate dhe Partia Aleanca Demokratike po dënojnë vetveten. Këmbëngulja e tyre për të risjellë në pushtet Partinë Socialiste, si një forcë e ish-komuniste shqiptare është një ndihmë shumë e dëmshme që ata po japin për rikthimin të mundshëm të komunizmit e ven pushtet në Shqipëri”, thekson z. Godo. R.P.

“Të lesh pa ndëshkuar ata që shkelin të drejtat e njeriut, do të thotë të zhvlerësosh idenë e të drejtave të njeriut” F.4

Gazeta “REPUBLIKA”, Rruga “Sami Frashëri”, pranë gjimnazit “Petro Nini Luarasi”, Tiranë, Tel/Fax 259 88