Deputeti komunist lëvdon Enver Hoxhën në Vlorë. Amerika: Qeveria Nano, qeveri e ish-komunistëve Nesër VEFA jep paratë në 6 sportele. Silva: Të pashyer 1800 kreditorë

-Aksi i politikës së ditës janë fajdet. Demokratët: Do tê kërkojmë zgjedhje nëse socialistët nuk kthejnë paratë Ndryshon papritur kursi politik i PD-së. Duke ndier rrezikun që po i afrohet qeverisë nga ashpërsimi i çështjes së fajdeve, stafi i demokratëve ka gjykuar se kërkesat për dorheqjen e Nanos, Gjinushit, Dokles, kryetarit të SHIK-ut, etj., sado ultimative të jenë, nuk mund të sjellin efektet e dëshiruara pas deklaratës së Departamentit Amerikan të Shtetit, i cili rekomandon menjanim e revanshit dhe gjetjen e një formule kompromisi ndërmjet palëve kryesore të politikës shqiptare. “Ne do të jemi prezent në Parlament për të denoncuar mashtrimin e madh elektoral të Fatos Nanos, që premtoi kthimin 100% të parave”, u shprehën për “Republikën” titullarë të PD-së. Çështja e fajdeve përbën aksin kryesor të politikës së ditës. Strategjia e kabinetit Nano, e cila në epilog parashikon mbylljen mekanike të kompanive dhe shkatërrimin e shpresave të qindra-mijëra shqiptarëve, përbën një kondicion të përsosur për motivimin politik të revanshit, që përpiqet të aplikojë PD-ja. “Në rast se socialistët heqin dorë nga premtimi për kthimin e parave, ne do të kërkojmë zgjedhje të reja”, deklaroi Berisha në konferencën e fundit për shtyp. Deklarata nuk është vlerësuar nga kampi socialist si një thirrje e rrezikshme. Kjo është arsyeja që pushtetarët nuk kanë hequr dorë nga ideja fixe për politizimin e çështjes së fajdeve, duke përzier edhe ministrat në betejë lojë tjetërkushme. Pozicioni i Cekës dhe i Kondit është tepër i përfolur. Krijimi i Këshillit të Lartë të Mbikqyrjes është vetëm reminishencë e “kontrollit Punëtor e Fshatar” që aplikohej dendur në kohën kur sundonte diktatori Hoxha. Rikthimi i PD-së në Parlament e përmirëson ndjeshëm imazhin e saj ndërkombëtar, veç institucionalizimit të rolit të saj si opozitar. Grupi parlamentar i kësaj partie tani do të ballafaqohet direkt me debatet e fuqishme politike. Kryeçështje i ministrit Malaj gjatë interpelancës së pritshme, pritet të shtojë kapitalin politik në favor të demokratëve. Populli është tepër i ndjeshëm ndaj problemit të fajdeve dhe prononcimet “ex katedra” të zyrtarëve të lartë të PS-së ringjallin precedentin e dhunshëm. PD-ja ka kapur momentin politik, por e Djathta duhet të parashtrojë alternativat e saj, për të mos u shndërruar sërish në shtojcë e revanshit të demokratëve.

Faqe 2

Administratoret gati për administrimin e fajdeve Godo: Socialistët po bëjnë qelizën si qemoti. PD të marrë leje për mitingjet në shesh, TV s'ka pse hesht — Faqe 3

— Faqe 7,8

Faqe 3

Sot, në orën 11.00, në selinë e PR Kryetari Sabri Godo jep konferencë shtypi

"REPUBLIKA", Rruga "Sami Frashëri", pranë gjimnazit "Petro Nini Luarasi", Tiranë, Nr. Llog. 986/110, Banka Tregtare Tiranë. Tel/Fax 259 88 Tel. 230 90