Ish-ambasadori i Kooperimit dëshmon Prokurorët e Romës hetojnë mbi 50 miliardë të destinuara për Shqipërinë CARLO BOLLINO TIRANË — “Po, është e vërtetë, madje për diçka që kam thënë publikisht prej një viti e gjysmë tashmë. Struktura e krijuar në Romë për t’i dhënë zbatim dhe për të kontrolluar projektet e ndihmës italiane për Shqipërinë është një gjë absurde, e krijuar enkas për ta bërë të pamundur verifikimin e përdorimit të fondeve. Eshtë njësoj sikur të ndërtosh një mur për t’iu shmangur përgjegjësive”. Kështu pohohet në rrethin e ish-ambasadorit italian në Tiranë gjatë periudhës së administratës teknike të Giuliano Amatos, Stefano de Astis. Tashmë ish-ambasadori është thirrur të dëshmojë në Romë nga prokurorët e çështjes “Mani pulite”, që kanë ngritur hetime penale mbi “skandalin shqiptar”, i cili ka sjellë në burg 4 ish-funksionarë të lartë të Komitetit Ndërministror për Bashkëpunimin dhe me dy kryeakuzat e korrupsionit dhe shpërdorimit të detyrës. Sikurse dihet, bëhet fjalë për 129.331.551.208 lireta, të administruara deri më sot në një mënyrë kaotike, dhe për të cilat skandali ka shpërthyer pas denoncimeve të deputetit të “Verde”-ve Paolo Mattioli. Do mbaheshin nën kontroll nga Italia 200 milionë dollarë, të ndara në 20 projekte të mëdha e të vogla, të destinuara për Shqipërinë në bazë të vendimeve dhe ligjeve të ndryshme, që prekin shumë ministri e shumë zëra të bilancit. Por nga kjo shumë marramendëse, afërsisht 60 miliardë janë harxhuar realisht. 29.929 miliardë lireta kanë mbetur zyrtarisht pa u shpenzuar, ndonëse nga këtëre 10 miliardë janë premtuar për blerjen e mjeteve hekurudhore “Breda”, që nuk janë dhënë. Ndërsa pjesa tjetër ka “avulluar” në forma e mënyra të ndryshme. Lajmi është se është zhdukur krejtësisht çdo dokument zyrtar që ka të bëjë me ndërhyrjet e kryera në Shqipëri. Madje edhe ky arkiv, i ruajtur me xhelozi në zyrat e ambasadës italiane në Tiranë, ka humbur pak ditë pas largimit të ambasadorit De Astis, në qershor 1993. Asnjë ministër nuk di asgjë, as Përfaqësia diplomatike italiane në Tiranë, as vetë gjykatësit, sepse çdo gjë është centralizuar në një zyrë të posaçme në Romë, të quajtur Uffiçio Albania, e drejtuar dikur nga ambasadori Roberto Morabito e më pas nga ambasadori Pietro Pio Sabatelli. Në zyrën shqiptare të “Mani pulite” të ambasadës italiane ka mbërritur tashmë një ftesë e dytë për dëshmi. Pas ambasadorit Stefano De Astis ka shkuar sot në Romë edhe inxhinieri Alessandro Sozzo, ish-kreu i misionit shqiptar të Ministrisë së Punëve të Jashtme. Ai është marrë me të gjitha projektet civile dhe si çdo gjë e dinte. Madje, ishte ai dhe bashkëpunëtorja e tij, Teodora Dega, që përgatisnin praktikat e financimeve dhe njoftonin ministritë italiane për ecurinë e punëve. Tani ata kanë në dorë të rindërtojnë “memorien e humbur” të ndihmave për Shqipërinë.

Kryetari i Partisë Demokrate Eduard Selami TIRANË — Në kuadrin e lëvizjeve të pritshme qeveritare Kryetari i Partisë Demokratike, z. Eduard Selami, ka deklaruar dje para gazetarëve se “nëse do të ketë shkarkime apo ndryshime në kabinetin qeveritar, ato do të bëhen vetëm duke pasur parasysh kriterin e efiçencës”. Më tej zoti Selami tha se “PD nuk është preokupuar asnjëherë me çështje personash por me çështje të performancës dhe punës”. Duke iu referuar spekullimeve të ditëve të fundit për lëvizje të mundshme në qeveri, Selami shtoi se “nuk ka vend për asnjë interpretim të gabuar politik”. Kryetari i Partisë Demokratike Eduard Selami

Sport Ndeshjet e serisë A në Itali e Shqipëri Në faqet e brendshme të gjitha rezultatet

TIRANË — Efektivi dialogut i policisë shqiptare me atë të vendeve të tjera po shënon një intensifikim të dukshëm kohët e fundit. Kjo është pohuar dje nga drejtori i përgjithshëm i policisë shqiptare, Hysni Burgaj, në një takim me trupin diplomatik të akredituar në vend. Sipas tij, synimi është forcimi i luftës kundër kriminalitetit dhe trafikut të paligjshëm përmes bashkëpunimit me strukturat homologe të Italisë dhe Kroacisë.

Një Plavë plagoset nga ushtar jugosllav

Janë arrestuar dy adoleshentë që akuzohen për vjedhje në Hotel Dajti TIRANË — Shërbimi i policisë ka bërë të ditur se dy të rinj janë ndaluar si të dyshuar për një vjedhje të kryer në ambientet e Hotel Dajti. Sipas njoftimit zyrtar, po hetohen rrethanat dhe sendet e marra.

Nga një takim në Oranto isshokët alarmi MICHELE AFFATTO ORANTO — “Në një kohë kur bota po humbet durimin me Bosnjen, askush nuk ka të drejtë të nënvlerësojë rrezikun që vjen nga Kosova”. Ky është thelbi i alarmit të dhënë në një takim të zhvilluar në Oranto, ku morën pjesë përfaqësues të ndryshëm politikë dhe intelektualë. Në diskutime u nënvizua se gjendja në Kosovë po bëhet çdo ditë e më e tensionuar dhe se nevojitet vëmendje ndërkombëtare për të shmangur përshkallëzimin e konfliktit. Marrëdhëniet shqiptaro-serbe dhe pozita e shqiptarëve në Kosovë u trajtuan si çështje që mund të ndikojnë në gjithë rajonin. Pjesëmarrësit kërkuan veprim më të qartë diplomatik dhe politik nga vendet evropiane.

Mungojnë materialet e nevojshme KAVAJË — Në repartin ortopedik të spitalit të Kavajës mungojnë materialet bazë për ndërhyrje dhe trajtim. Mjekët pohojnë se kjo ka kufizuar rëndë punën e përditshme dhe ka shtyrë një pjesë të pacientëve të drejtohen në spitale të tjera.

SHPRESA - SHIPPING AGENCY - DURRES TRANS EUROPA LINE, SH.P.K. S.A. Porto romano me traget - HONGA - DURRËS, DUNI - CHEE BAY - dhe kryen udhëtime të rregullta në linjat: DURRËS-KOPER DURRËS-BRINDIZI DURRËS-BARI DURRËS-IGUMENICE Për informacione na telefononi në hollësitë e dërgohuni: Tel. 052 2332.