INSPEKTORIATI QENDROR TEKNIK, NE ALARM PER MALLRAT KANCEROGJENE NE TREG “BUZEKUQE HELMUES” Letër Doganave: Kanë plumb, bllokojini Analizat në laborator, 28% e lodrave për fëmijë që importohen nga Kina cilësohen të rrezikshme. Lëndë kimike edhe në këpucët e vajzave Nga ESMERALDA KETA Lodrat e fëmijëve të moshës 0-3 vjeç dhe veshjet për të vegjlit që vijnë nga Kina, kanë përbërës të rrezikshëm që mund të dëmtojnë seriozisht shëndetin e tyre. Inspektoriati Qendror Teknik, i cili ka detyrë të mbikëqyrë tregun, ka bërë disa inspektime, nga ku kanë rezultuar se lodrat e fëmijëve janë të pasigurta, ndërsa në këpucë janë gjetur përbërje kancerogjene. Këto produkte ishin të denoncuara edhe më parë në Sistemin e Sigurisë Europiane për produktet e rrezikshme (RAPEX), ndërsa IQT-ja i ka dërguar një letër doganave që të bëjnë kujdes në zhdoganimin e tyre. Sipas këtij inspektorati problemet janë vënë re në lodrat e fëmijëve të moshës 0-3 vjeç dhe që ishin kukulla, makina me rrota, si dhe lodra të tjera plastike. “Në shumë ente tregtuese u vu re se këto lodra nuk shoqëroheshin me paralajmërimet përkatëse. Nuk kishte asnjë të dhënë për përmbajtjen kimike të materialit plastik,... Vijon në faqen 13