MONITORIMI I MJAFTIT, RREGULLORJA U SHKEL 9 HERE PER 2 MUAJ Raporti, 22 deputetë abuzuan me pagat Raporti: Doshi, Malaj e Isaraj, anti-konformistë. Shqetësuese deklaratat e Berishës se do përsëritë 21 janarin. Gaçi e Xhuvani votojnë për kolegët Të paktën 22 deputetë rezultojnë të kenë përfituar pa të drejtë në shkelje të ligjit për një aktivitet parlamentar që nuk e kanë kryer. Lëvizja “Mjaft!” ka publikuar dje raportin mbi periudhën 1 mars – 30 prill në lidhje me monitorimin e veprimtarisë së Kuvendit ku bie në sy fakti se 12 ligjvënës socialistë dhe 10 demokratë janë paguar për pjesëmarrje në mbledhje të komisioneve në ditë që nuk kanë qenë prezentë. Në bazë të ligjit “Për statusin e deputetit” në pagën mujore të deputetit përfshihet 40% e pagës për pjesëmarrjen në seancë plenare, 50% e pagës për pjesëmarrje në mbledhje të komisioneve të Kuvendit si dhe 10% të pagës për pjesëmarrje në veprimtari të tjera parlamentare. Një vëmendje e veçantë në raportin e “Mjaft!” i kushtohet edhe shkeljeve të vërejtura gjatë procesit të votimit në seancë plenare. Për periudhën 1 mars – 30 prill janë identifikuar vetëm dy deputetë që në kundërshtim me rregulloren e Kuvendit kanë votuar për kolegun në krah. Ata janë Artan Gaçi dhe Luiza Xhuvani, ... Vijon në faqen 2-3