REGJISTRIMI I POPULLSISE: ME SHUME MESHKUJ, SE FEMRA 33% e shtëpive janë të pabanuara Publikohen rezultatet e numërimit. Pasojat e emigracionit, Shqipëria tkurret në 2.8 milionë nga 4.1 milionë banorë. Edi Rama: Pasojat e papunësisë Nga LORENC RABETA Bazuar në të dhënat paraprake të Censusit të Popullsisë dhe të Banesave 2011, të publikuara dje nga Instituti i Statistikave rezulton se popullsia e Shqipërisë është aktualisht 2,831,741 banorë. Vihet re se numri i popullsisë në vitin 2011 është zvogëluar me 7.7% gjatë këtyre dhjetë vjetëve. Ndërkohë që numri i popullsisë nga Censusi i vitit 2001 ishte 3,069,275. Sipas Institutit, supozohet që shkaket kryesore të zvogëlimit të popullsisë janë emigrimi në shkallë të gjerë dhe rënia e lindshmërisë. Një tjetër e dhënë shumë domethënëse, që bashkë me numrin e popullsisë është komentuar nga aktorët politikë e shoqërorë në vend, ka të bëjë me faktin që për herë të parë në Shqipëri pjesa më e madhe e popullsisë është vendosur në qytete, e jo më në fshatra. “Për herë të parë në historinë e censusëve të kryera në Shqipëri, popullsia e cila jeton në zonat urbane është më e madhe se ajo në zonat rurale. Kështu, Vijon në faqet 2-3