ISH-SHEFI I SHTABIT: SIGURIA DETYRE E MEICO, JO E USHTRISE Luan Hoxha kërkon pafajësi në gjyq Prokuroria kërkoi 8 vite burg, avokati Ibrahim Lahi: Klienti im nuk ka përgjegjësi. Nuk ishte në zyrë, për komisionin e çmimeve u pyet zv/shefi i Shtabit të Ushtrisë Nga KLODIANA LALA Ish-shefi i shtabit të Përgjithshëm të Forcave të Armatosura, ish-gjeneral lejtnant Luan Hoxha, i akuzuar si përgjegjës për tragjedinë e Gërdecit, kërkon pafajësinë në gjykatë. Avokati i tij Ibrahim Lahi, i ka kujtuar se 1 mbrojturi prej tij, Luan Hoxha, në rolin e shefit të Shtabit të Përgjithshëm të Forcave të Armatosura, ka kryer detyrat që i ngarkonte ligji, ndaj duhet të shpallet i pafajshëm për akuzën e shpërdorimit të detyrës të kryer në bashkëpunim. Sipas avokatit, prokuroria nuk ka mundur të vërtetojë ndonjë shkelje konkrete të ligjit të kryer prej Luan Hoxhës, çka do ta ngarkonte me përgjegjësi ligjore. Prokuroria kërkoi dënimin e ish-gjeneralit me 8 vite burgim dhe për 10 vite heqjen e së drejtës për të ushtruar detyra shtetërore. Avokati theksoi se ish-shefi i shtabit nuk ka kryer asnjë veprim të kundraligjshëm, madje ka marrë edhe falënderime për punën e kryer... Vijon në faqet 2-3