KQZ, KALLËZIM PENAL PËR NUMËRUESIT DHE ANËTARËT E KOMISIONEVE NË LEZHË Manipulimi i procesverbaleve, Lefterie Lleshi: Të bëhet mësim për të tjerët në të ardhmen. Nuk respektuan kuotën gjinore, PD dhe PS do të kthejnë paratë Me akuzën e braktisjes së detyrës, manipulimit të tabelave dhe tjetërsimit të rezultatit të zgjedhjeve, Komisioni Qendror i Zgjedhjeve vendosi dje me 4 vota pro të kallëzojë penalisht 50 komisionerë e numërues të Qarkut të Lezhës. “Me marrjen e vendimit për kallëzimet penale ndaj personave të ngarkuar me administrimin e procesit të votimit dhe numërimit të votave, të shpresojmë që në zgjedhjet e ardhshme këto të dyja t’u shërbejnë të gjithë komisionerëve që të mos përsëriten gjëra të tilla më. Transparenca e kutive të votimit, e hapjes së tyre dhe marrja e këtyre masave të shërbejë që nesër këta komisionerë të jenë të përgjegjshëm për atë që ata marrin përsipër të bëjnë”, deklaroi pak para marrjes së vendimit, kryetarja e KQZ-së, Lefterie Lleshi. Komisioni Qendror i Zgjedhjeve i nxori faktet e manipulimit të procesverbaleve pas hapjes së numëroi 10 kuti në Qarkun e Lezhës, nga të cilat rezultoi se për shkak të deformimeve të rezultatit nga komisionerët dhe numëruesit, Partisë Demokratike i ishte hequr një mandat deputeti. Vijon në faqen 3