DOSJA E PROKURORISË/ PRAPASKENAT E PENGMARRJES SË 23-VJEÇARIT NË TIRANË //"Baba, jepi paratë ose më vranë" F. Xhafa nga Librazhdi i mori 86 mijë lekë miqve dhe s’mundit t’ua kthente. E mbyllën 3 ditë në tualetin e një lokali, e rrahën derisa policia arriti ta lironte Nga KLODIANA LALA Do më vrasin nëse nuk sjell lekët. Me kanë prerë në besë shokët dhe më kanë marrë peng, pasi ju detyrohem 86 000 lekë. Më kanë lënë afat tri ditë, përndryshe nuk di çfarë do më bëjnë...”. Me zërin që i dridhej, nën kërcënimin e dhunës, F.Xh, 23 vjeç, i cili mbahej peng në banjën e një lokali në Tiranë, ka lajmëruar babain e tij dhe i ka kërkuar që t’u shlyejë borxhin shokëve të tij, në të kundërt rrezikonte të vritej. Telefonata shokuese ka detyruar babain e të riut, të gjejë borxh tek të afërmit shumën e parave dhe t’u përgjigjet keqbërësve, ku pikërisht në momentin kur do dorëzonte lekët, ka ndërhyrë dhe policia duke bërë arrestimin e tyre. Prokuroria e Tiranës ka përfunduar tashmë hetimet duke dorëzuar në gjykatë dosjen penale ndaj të akuzuarve, A. Kolpepaj, M. Kshtenjari dhe B. Vata, të akuzuar për “vetëgjyqësi” dhe “heqje të paligjshme të lirisë”, kryer me dhunë dhe në bashkëpunim. Vijon në faqen 8