DURRES/ BASHKËSHORTI GODET ME SHKELMA GRUAN ME FOSHNJEN NE BARK Enkelejda Hoxha: Unë me vajzën po qaja, ai më goditi dhe më ra të fikët. Spërkati me benzinë muret e shtëpisë. Më akuzon kot, do të kërkoj divorcin SHTATZËNA: BURRI TENTOI TË MË DIGJTE ME 2 FËMIJËT Enkelejda Hoxha: Unë me vajzën po qaja, ai më goditi dhe më ra të fikët. Spërkati me benzinë muret e shtëpisë. Më akuzon kot, do të kërkoj divorcin Nga KLODIANA HAXHIAJ Histeria e krimit në familje nuk ka të ndalur. Rastet e dhunës ndaj grave rikthejnë çdo ditë në qendrat urbane dhe rurale të vendit tonë. Dje, policia e Durrësit parandaloi një krim që mund të kishte përmasa të frikshme me familjen Hoxha, banuese në lagjen nr.9 të këtij qyteti. Burime zyrtare nga Drejtoria e Policisë së këtij qarku bëjnë me dije se mesditën e djeshme, rreth orës 12:00, kanë arrestuar 37-vjeçarin Asllan Hoxha teksa po vinte zjarrin banesës së tij, brenda së cilës ishte bashkëshortja e tij shtatzënë 3-muajshe dhe vajza e tyre 15-muajshe. Mësohet se Hoxha, për motive xhelozie dhe për shkak të problemeve ekonomike ka rrahur barbarisht gruan e tij dhe më pas tentuar ta djegë atë të gjallë, me foshnjën që kishte në bark dhe me vajzën tjetër të mitur. Sipas policisë lokale, ka qenë Enkelejda Hoxha që ka kërkuar ndihmë në numrin 129. Burimet e mësipërme sqarojnë se 34-vjeçarja kishte denoncuar edhe 2 herë të tjera bashkëshortin e saj. Vijon në faqen 8