Dëmshpërblimi, si ndahet kësti i dytë PERFITOJNE 11.500 VETE, TE PARET ATA QE JANE MBI 65 VJEÇ Eduart Halimi: Rreth 200 persona që kanë vuajtur në psikiatri për arsye politike do të marrin 2 mijë lekë për çdo ditë qëndrimi. PD, nismë e re për hapjen e dosjeve Nga VALENTINA MADANI Ministri i Drejtësisë, Eduart Halimi njoftoi dje, se në zyrat e Ministrisë së Drejtësisë aktualisht janë paraqitur rreth 21 mijë kërkesa, nga të cilat 4 mijë kërkesa janë për talat me gjemba dhe internim; 11 500 kërkesa janë miratuar dhe kanë marrë këstin e parë, 2 mijë kërkesa janë të përjashtuar pa gjyq. Ministri Halimi informoi se Instituti i të përndjekurve politikë dhe shoqatat e tyre kanë kërkuar zgjerimin e përmasës së klasifikimit të krimeve të komunizmit, ndërsa shprehu vullnetin e qeverisë për të bërë dëmshpërblimin e plotë të tyre. “Jemi të vendosur për të dëmshpërblyer të përndjekurit. Çdo person që është shtruar në spital psikiatrik për arsye politike do të përfitojë një shumë prej 2 mijë lekë për çdo ditë qëndrimi. Numri i këtyre përllogaritet rreth 200 persona. Të përndjekurit kanë një dialog të jashtëzakonshëm me qeverinë...” Vijon në faqet 2-3