MINISTRIA E FINANCAVE NXJERR 14 OBJEKTE NE SHITJE BRENDA GUSHTIT Hoteli i “VEFA”-s, 340 mijë lekë Hidhen në treg pronat e ish-firmave piramidale. Apartamenti i “Xhaferri”-t 570 mijë lekë, ambulanca në Fier 1.2 milionë lekë. PS: Po jepen nën vlerën e tregut Nga LORENC RABETA Ndërsa ka intensifikuar ankandet e pronave publike për muajin gusht, qeveria ka nxjerrë në shitje edhe ato që kanë mbetur nga firmat piramidale: një apartament në pronësi të fondacionit “Demokracia Popullore Xhaferri” dhe një hotel të “VEFA”-s sh.p.k. Ajo që bie në sy është vlera mjaft e ulët me të cilën janë hedhur në ankand dy objektet nga Drejtoria e Administrimit dhe Shitjes së Pronave Publike, strukturë e Ministrisë së Financave. Apartamenti i fondacionit “Xhaferri”, sipas kësaj drejtorie vlen 569,124 lekë, ndërsa hoteli i “VEFA”-s, 341,280 lekë. Apartamenti në pronësi të fondacionit “Demokracia Popullore Xhaferri”, i vendosur në qendër të Belshit në Elbasan, do të hidhet në ankand më datë 7 gusht, saktësisht në orën 11:00. Në materialin sqarues të ankandit, Drejtoria e Administrimit dhe Shitjes së Pronave Publike bën me dije se sipërfaqja e tij është 56.17 metra katrorë, me një vlerë totale prej 569,124 lekësh. Vijon në faqen 7