Rama: S’ka gjë që nuk zgjidhet KRYEMINISTRI I RI: TURQIA PARTNER STRATEGJIK, S’KA XHELOZI FQINJESH Reagon Topalli: “Turqi, Itali, Greqi”, po SHBA a hyn në “trekëndëshin” e Piktorit? Kreshnik Çollaku: Doganat në dorë të të huajve? Rilindasit duan të sjellin EULEX-in Kryeministri i zgjedhur, Edi Rama deklaroi dje në një intervistë për “Top Channel” se qeveria e re ka si synim ta ngrejë në një nivel të panjohur më parë diplomacinë shqiptare. Për vizitave në Turqi e Greqi, Rama deklaroi se këto janë takime në funksion të një partneriteti strategjik që shtrihet mes Italisë, Turqisë dhe Greqisë. I pyetur nëse ka biseduar me kryeministrin Samaras dhe ministrin Venizellos për çështjen e kufirit detar, Rama tha se, “është një çështje që natyrshëm nuk mund të lihet jashtë bisedave, është një çështje për të cilën ne kemi një qëndrim të njohur, është një çështje për të cilën ne kemi të gjithë vullnetin për ta zgjidhur dhe është një çështje, tek e cila edhe fqinjët janë të interesuar të gjejnë zgjidhje dhe jam i bindur se me vullnet të mirë dhe me besim reciprok nuk ka gjë që nuk zgjidhet”. Sa u përket marrëdhënieve me Greqinë, Rama tha se: “Me Greqinë dihet që ka një moment për t’u kapërcyer, pas një periudhe të vështirë në marrëdhëniet mes dy vendeve, për arsye të njohura. Vijon në faqet 2-3