URDHRI I KOMISIONERES ÇABEJ: BLLOKOJINI, CENOHEN TË DREJTAT URDHRI I KOMISIONERES ÇABEJ: BLLOKOJINI, CENOHEN TE DREJTAT 1 MIJË DENONCIME Abuzimet në drejtësi dhe ndërtime “Bum” denoncimesh në portalet “Stop rrënimit” dhe Shpëto thesarin”. Komisionerja për Mbrojtjen e të Dhënave: Raportuesit të mos jenë të identifikueshëm në publik Nga DARINA TANUSHI Plot 1071 denoncime janë shënuar në portalet e hapura deri më tani nga dikastere të ndryshme, që nga ajo që hapi fillimisht kryeministri Edi Rama, “Stop Rrënimit” dhe deri te ajo e Ministrisë së Kulturës, “Shpëto thesarin”. Denoncimi online është bërë tashmë në modë. Pas asaj që u lançua nga kryeministri Edi Rama, ku ftohen qytetarët të denoncojnë për ndërtimet pa leje, ishte Ministria e Drejtësisë, që hapi një portal tjetër, ku fton qytetarët të denoncojnë korrupsionin. Ndërsa më në fund Ministria e Kulturës hapi faqen e fundit, ku kërkon që të denoncohen rastet e shkatërrimit dhe keqtrajtimit të objekteve të trashëgimisë kulturore, por edhe më gjerë se kaq. “Stoprrënimit.com” ishte faqja e parë që ka brenda saj rreth 990 denoncime për ndërtimet pa leje, kryesisht në qytetet kryesore dhe në bregdet, por jo vetëm. Nisma e Partisë Socialiste ndërmarrë në fillim të muajit gusht vazhdon të ketë klikime dhe publikime të reja, nga qytetarë nga të katër anët e vendit. Vijon në faqet 2-3