EKZEKUTIMI I EDMOND DERVISHIT, VËLLAI: NUK HAKMERREM TEK ASKUSH “Momentet e tmerrit kur vranë Edin” Idrina: Ai shkoi në parking, unë tek dyqani për pazar. E gjeta tek shkallët, nuk dëgjova asgjë nga silenciatori. Thirra “eja të ikim në spital”, më pas më ra të fikët Nga AURORA KOROMANI E gjeta tek shkallët të vrarë... I thashë “ngrihu të shkojmë në spital...” Ka qenë një nga momentet më të vështira për Idrinën, e cila prej 7 vitesh jetonte me Edmond Dervishin, i cili u vra me 9 plumba mbrëmjen e së dielës në kryeqytet. 30-vjeçarja ka qenë personi i parë që ka gjetur trupin e 50-vjeçarit të bërë shoshë nga plumbat. Në një rrëfim për “Gazeta Shqiptare”, Idrina rrëfen se si e ka përjetuar ajo momentin kur në katin e parë të pallatit gjeti trupin e personit që dashuronte. “I thirra disa herë... Thirra ndihmë, pastaj më kishte rënë të fikët”, pohon Idrina. Ajo bashkë me familjarët e tjerë të Edmond Dervishit kërkojnë nga drejtësia shqiptare vetëm zbardhjen e ngjarjes dhe ndëshkimin e autorëve. “Drejtësi” është fjala që kërkon babai i 50-vjeçarit dhe po këtë gjë e kërkojnë të gjithë. Ku ishit ditën që ndodhi vrasja? Ishim në plazh atë ditë bashkë me Edin. U kthyem pasdite vonë. Shkuam tek shtëpia e prindërve të Edit dhe aty vendosëm ca. Vijon në faqen 13