SHKODËR, I RIU KISHTE MARRE LEJE NE PSIKIATRI PER VARRIMIN E TE ATIT DJALI VRET NËNËN E hedh nga ballkoni i katit të katërt Krimi në familje, 34-vjeçari shtyu të ëmën nga lartësia. Ngjarja u mendua fillimisht si vetëvrasje. Prokuroria çon dosjen në gjykatë, sot masa e sigurisë Nga KLODIANA LALA Një tjetër krim i rëndë brenda familjes trondit vendin. Djali vret nënën duke e hedhur nga kati i katërt i pallatit ku banonin, pas një zënke për motive krejtësisht banale. D. Marku, 34 vjeç, tri ditë pasi ka varrosur të atin, i ka marrë jetën dhe nënës së tij, P. Marku. Ngjarja ka ndodhur tri javë më parë dhe D. Marku është arrestuar si i dyshuar për krimin e rëndë brenda familjes, që javët e fundit ka arritur shifra alarmante. Fillimisht është menduar si një ngjarje aksidentale dhe se gruaja mund të ishte vetëhedhur, pas vdekjes së të shoqit. Por me pas nga hetimet është zbardhur se bëhej fjalë për një vrasje brenda familjes dhe dyshimet kanë rënë direkt mbi të birin e Prenda Markut. 34-vjeçari është arrestuar dhe vënë nën akuzën e vrasjes për shkak të lidhjeve familjare dhe pritet të dalë sot para Gjykatës së Rrethit të Rëndë për t’u njohur me masën e sigurisë, pasi Gjykata e Shkodrës ka shpallur moskompetencën për rastin në fjalë. Vijon në faqen 9