FORMULA E RE/ HIQET TAVANI MAKSIMAL, MASA SIPAS KONTRIBUTIT TË DERDHUR Sigurimet, llogaria para dhe pas '94 Si dilet në pension pa mbushur moshën. Për kontributet para vitit 1994, do merren parasysh pagat referuese të qeverisë. Përfitojnë ish-kooperativistët Nga OLA MITRE Ligji i ri “Për sigurimet shoqërore”, i cili hyn në fuqi në datën 1 janar 2015 parashikon një formulë të re për përllogaritjen e masës së pensionit, ndërsa ajo që vlen të theksohet është heqja e tavaneve maksimale. Me formulën e re nuk do të ketë një masë fikse të pensionit, ndërsa vlera përfundimtare do të ndikohet drejtpërdrejt nga vitet e punës dhe sasia e kontributeve të sigurimeve shoqërore, të derdhura nga personat e siguruar. Sipas formulës të ndryshuar, pensioni mujor i pleqërisë përbëhet nga një shumë bazë dhe nga një shtesë. Shuma bazë llogaritet si raport i periudhës së sigurimit që ka realizuar personi me periudhën e sigurimit të kërkuar, sipas tabelave bashkëngjitur shkrimit, shumëzuar me pensionin social. Për vitin 2015, ky pension mendohet të jetë rreth 6646 lekë, ndërsa në vitet në vijim do të indeksohet çdo vit me inflacionin. Ndërkohë që, shtesa do të jetë 1 për qind për çdo vit sigurimi shumëzuar me bazën mesatare... Në faqet 10-11