VRASJA E KARELIT/ PROTESTUESIT DJEGIN FLAMURIN GREK NE TIRANE Shkopa gome te ambasada greke Aleanca Kuqezi dhe shoqatat përplasen me forcat e rendit. Lëndohen disa protestues. Grupi anarkist në Egaleos: Gardianët e Nigritës, orët e numëruara Vrasja makabre e të burgosurit shqiptar Ilia Kareli (Kudret Kume) në burgun e Sigritas të Greqisë provokoi “revoltë” qytetare në Tiranë. Qindra të rinj, kryesisht anëtarë të “Tifozëve Kuq e Zi” dhe aktivistë të Aleancës Kuq e Zi u hodhën në pasditen e djeshme në protestë. Me flamuj shqiptarë në duar, protestuesit kanë kënduar Himnin Kombëtar e ndërrkohë kanë grisur një flamur grek dhe më pas i kanë vënë zjarrin. Protesta ka nisur para Piramidës dhe më pas është zhvendosur në Rrugën e Kavajës, pranë bllokut të ambasadës. Pikërisht aty, pjesëmarrësit në tubim kanë nisur të protestojnë e të thërrasin në kor, deri dhe me fjalë fyese kundër shtetit grek. Menjëherë kanë ndërhyrë forcat e repartit special “Shqiponja”, të cilët kanë përdorur edhe shkopinjtë e gomës për shpërndarjen e protestuesve. Për pasojë janë lënduar 16 protestues. Ndërsa janë shoqëruar 26 të tjerë, mes të cilëve kreu i Rinise së Aleancës Kuq e Zi, Ardit Meksnjiqi dhe nënkryetari i AK-së, Albert Mesiti. ... Vijon në faqen 7