GJYKATA URDHËRON FALIMENTIN E FIRMËS PIRAMIDALE DHE LIKUIDIMIN E LLOGARIVE Administratorja Çibuku: Mblodhëm kreditorët. Nga 19 mijë vetë që lanë lekët te “Sudja”, erdhën vetëm 40. Fajdexhesha nuk ka pasuri të paluajtshme, por vetëm një sasi jo të vogël parash Nga LORENC RABETA Ndërsa gjykata e Tiranës ka nisur zyrtarisht procedurat për falimentimin e firmës piramidale “Sude”, vetëm 40 kreditorë kanë marrë pjesë në takimin e datës 18 mars, ku u raportua për asetet që kanë mbetur dhe mënyrën si do ndahen. Sipas Mimoza Çibukut, e ngarkuar për të administruar procedurat e falimentit të kësaj firme, “Sude” nuk zotëron asete të paluajtshme, por vetëm asete financiare. Administratorja konfirmoi për “Gazeta Shqiptare” se në takimin e muajit të shkuar u paraqitën vetëm rreth 40 kreditorë, ndërkohë që sipas saj, në zotërim të firmës mbeten ende një sasi e konsiderueshme asetesh financiare. “Nuk mund t’ju jap informacion për totalin e aseteve, por ekziston një shumë relativisht e konsiderueshme parash, ndërkohë që nuk zotëron pasuri të paluajtshme. Në takimin e 18 marsit morën pjesë rreth 40 kreditorë nga 19 mijë që janë në total”, tha Çibuku. Më tej Vijon në faqen 5