LIGJI I RI/ S’MUND TË MBAHEN MË SHUMË SE 1.5 MILIONË LEKË JASHTË BANKAVE ILDKP: Zyrtarët, paratë nën jastëk Inspektoriati i Pasurive, Shkëlqim Ganaj: Ka zyrtarë që mbajnë 400 milionë lekë në shtëpi, ndërpresim fenomenin. Vasili kundër: Studimin e konsideroj të paqenë Nga DARINA TANUSHI Inspektoriati i Lartë i Deklarimit dhe Kontrollit të Pasurive ka zbuluar së fundmi se zyrtarët e shtetit kanë mbajtur rreth 50 deri 60 milionë euro “cash”, të padepozituara në banka dhe të padeklaruara më parë. Kjo u bë e ditur dje, në Komisionin parlamentar të Ligjeve, nga kryeinspektori Shkëlqim Ganaj, ndërsa po diskutohej ndryshimi i ligjit për ILDKP-në. Sipas ndryshimeve që propozohen, zyrtarët e rinj nuk mund të mbajnë para “cash” më shumë se 1.5 milionë lekë. E gjithë pasuria duhet të jetë e dokumentuar në bankë. Kryetari i komisionit u kundërshtua dje, nga LSI dhe deputetët Mark Frroku e Nard Ndoka. “Zyrtarë të sapoemëruar deklarojnë ‘cash’ vlera 200-300 mijë euro për t’i bërë pastaj në një kohë të dytë. Sikur i kanë pasur ‘cash’ dhe për t’i plotësuar në proces. Për ta parandaluar këtë fenomen, vendosëm detyrimin që, kur i deklarojnë për herë të parë, duhet t’i depozitojnë në një bankë.... Vijon në faqen 5