ERDOGAN NË TIRANË, KREU I KUVENDIT SHTYN TAKIMET NË AMERIKË META ANULOI VIZITEN Arsyet, SHBA “përgënjeshtron” PD Ambasada amerikane: Artikulli i “RD”-së pohonte se vizita ishte anuluar për shkak të pretendimeve të lidhura me sanksionet ndaj Iranit. Thelbi i artikullit nuk është i vërtetë Kryetari i Kuvendit, Ilir Meta e ka anuluar vizitën e tij të planifikuar në Shtetet e Bashkuara të Amerikës për shkak të axhendës së takimeve diplomatike në Tiranë. Kryeministri turk Erdogan do të jetë në Tiranë më 14 maj dhe me një fjalë të posaçme do të përshëndesë Kuvendin e Shqipërisë. Vizita e Metës në Uashington ishte planifikuar të zhvillohej pikërisht në këtë datë. Shtyrja e fluturimit përtej Atlantikut u komentua nga opozita si një derë e përplasur në fytyrë e Shqipërisë për shkak të qeverisjes së saj. “Atij i është refuzuar vizita dhe i janë anuluar të gjithë takimet”, shkruante dje, zëri zyrtar i PD-së, “Rilindja Demokratike”. Gjithçka lidhet me “tregtinë e naftës që Shqipëria bëri me Iranin duke thyer embargon e OKB-së”, shpjegon gazeta e PD-së. E më tej: “A ka lidhje refuzimi i vizitës së Metës në USA me rikthimin e simboleve të Enverizmit në vend me miratimin e maxhorancës qeveritare?”, pyet retorikisht ish-zv/ministri i Jashtëm,... Vijon në faqen 5