ZBARDHEN DETAJET E SEANCES GJYQESORE PER KREUN E THESARIT E 6 NEPUNES RREGULLORJA E THESARIT Vartësit “tradhtojnë” Çollakun Ish-shefi i Arkës në Veprim, Ramohitaj: S’kishim rregullore, na u vu në dispozicion më 25 korrik. Ish-drejtori: Vjedhja nuk erdhi për mosveprimet e mia. Irritohet gjykatësi: Banka e Shqipërisë, si kooperative Nga KLODIANA LALA Ish-drejtori i Thesarit të Shtetit, Dorian Çollaku, një prej dhjetë të dyshuarve për megaskandalin e vjedhjes në Bankën e Shqipërisë është tradhtuar nga vartësit e tij. Pavarësisht alibive, si Çollaku ashtu dhe gjashtë ish-vartësit e tij humbën betejën për liri në Gjykatën e Apelit, e cila vendosi t’i lërë të gjithë në burg. Petrit Ramohitaj, ish-përgjegjësi i Arkës në Veprim në departamentin e Emisionit, i tha dje trupës gjyqësore të Apelit, se nuk kanë pasur në dispozicion asnjë rregullore, për mënyrën sesi duhet të vepronin gjatë kryerjes së detyrës. Si në Arkën për Veprim, ashtu dhe në Arkën Stok, nga e cila i dyshuari kryesor Ardian Bitraj zhvat[i?] shumën prej 713 milionë lekësh, kaq të paktën është deklaruar zyrtarisht deri më tani, përgjegjësi i secilës arkë bashkë me dy specialistë duhet të hynin dhe të dilnin njëkohësisht nga ambienti ku ndodheshin kartëmonedhat. Çelësat më Vijon në faqen 5