Qeveria, ligj të ri për medaljet POLEMIKAT PER 1 MIJE VETERANET, /MBROJTJA RIPERCAKTON KRITERET Sesioni i ri parlamentar do të nisë edhe me shqyrtimin e projektligjit të ri: Kush ka përfituar medalje, do t’i njihet. Do ndahet edhe shpërblim financiar Një ligj i ri për medaljet në Forcat e Armatosura, i përcjellë për miratim në Parlament nga qeveria, synon njohjen e kontributit dhe përkushtimit të personelit ushtarak dhe civil, që shërben në ushtrinë shqiptare. Projektligji, i organizuar me 36 nene, ka objekt përcaktimin e medaljeve, kritereve të dhënies, autoriteteve që kanë të drejtën e dhënies së tyre për personelin ushtarak e civil që shërben në ushtri, si dhe për ushtarakët e huaj që shquhen për merita dhe kontribute të veçanta. Ligji i ri parashikon njohjen e medaljeve të dhëna përpara hyrjes në fuqi të këtij ligji. Kësisoj ‘Medalja e Mirënjohjes’ e dhënë pak muaj më parë për ish-anëtaren e Komitetit Qendror të PPSh-së, Vito Kapo do të vijojë të njihet nga qeveria shqiptare. Ndërkohë subjekt i projektligjit janë ushtarakët aktivë, në rezervë, lirim ose në pension, personeli civil, repartet e Forcave të Armatosura, si dhe ushtarakët e huaj që shquhen për merita dhe kontribute të veçanta në ushtri. Në kapitullin e dytë të draftit renditen autoritetet përgjegjëse... Në faqen 4