DEPUTETI I PS: POLICIA E SHTETIT, POLITIKE. EMERIMET I BEN MINISTRI DOSHI KUNDER TAHIRIT “E mbushi policinë me tepelenas” Debatet në komisionin e Ligjeve, Doshi: Siç është bërë në kohën e Berishës me tropojanët, tani po bëhet me tepelenasit. U morën njerëz nga rruga, u veshën drejtues Deputeti i Partisë Socialiste, Tom Doshi kritikoi ashpër dje ministrin e Brendshëm, Saimir Tahiri lidhur me emërimet, sipas tij politike në Policinë e Shtetit. Doshi akuzoi Tahirin se ka emëruar drejtues të uniformave blu vetëm tepelenas duke e krahasuar atë me Berishën e që sipas tij emëronte vetëm tropojanë. Këto qëndrime deputeti socialist i shprehu në mbledhjen e Komisionit parlamentar për Çështjet Ligjore ku diskutohej projektligji “Për Policinë e Shtetit”. “Thuhet se Policia e Shtetit është e pavarur, kurse unë them që Policia e Shtetit është politike. Emërimet i bën ministri dhe fakti tregon që të gjithë drejtuesit sot në polici janë tepelenas. Vërtet nuk ekzistojnë në Policinë e Shtetit. Atëherë, të gjitha këto propozime dhe emërime që bën ai janë të gjitha politike. Nëse vjen puna, Ministri i Rendit është post politik. Kompetencat i ka Drejtori i Përgjithshëm. Atëherë, Drejtori i Përgjithshëm për mua nuk ka kompetenca. Edhe për një kapter duhet të marrë leje tek ministri... Në faqet 6-7