"Hipëm mbi çati s’kishim zgjidhje" MINISTRIA E BRENDSHME: EVAKUUAM 120 FAMILJE, NJE SHTATZENE DHE FEMIJE NE PANIK Situata emergjente, Panariti: OSHEE të garantojë furnizimin me energji të hidrovorëve. Përplasja politike, kreu i opozitës Basha: Ngrini shtabin e Emergje ncës, Ministri Tahiri: Je jashtë realitetit Jugu i Shqipërisë është nën ujë. Sipas korrespondentëve në rrethe, Gjirokastra, Vlora, Fieri, Lushnja, Devolli janë të bllokuara nga dalja e lumenjve prej shtratit. Osumi, Vjosa, Devolli, Gjanica, Shkumbini ka dalë nga rrjedha, duke shkaktuar një situatë alarmante me përmbytjet, rrëshqitjet e dheut dhe prishjet e rrjetit elektrik. Po ashtu, problematike paraqitet situata dhe në qarkun e Elbasanit, ndërsa mësohet se lumi Shkumbin ka shkatërruar argjinaturën, duke përmbytur disa banesa, por edhe sipërfaqe toke. Ndërkohë, si pasojë e shirave është dëmtuar edhe ura e vjetër që lidh Elbasanin me Cërrikun. Sipas burimeve nga Policia e Shtetit dhe Ministria e Brendshme, problematike situata paraqitet në qarkun e Fierit dhe të Vlorës. Mësohet se në komunën Novoselë, lumi Vjosë ka dalë jashtë kontrollit, duke sjellë përmbytjen e 300 banesave. Të njëjtat pasoja janë duke vuajtur dhe disa rrethe të vendit, si Berati, Gjirokastra dhe Tepelena..... Në faqet 2-3