Është shumë e mundur që Shqipëria të bëhet partneri kryesor ushtarak i SHBA në Ballkan Nga takimi i djeshëm Berisha - Klinton Klintoni i kërkoi Berishës më tepër të drejta për minoritetin grek në Shqipëri, ndoshta e vetmja pikë e bisedimit që mund ta ketë stepur paksa Presidentin shqiptar. Gjithë pjesa tjetër e takimit ishte e jashtëzakonshme, sipas fjalëve të Berishës. Ndërkaq Klinton nuk e komentoi takimin i cili zgjati më tepër nga sa ishte parashikuar, ndërsa Berisha la të kuptohej se në Shtëpinë e Bardhë ishte pritur shumë mirë... Vetë Klinton mësohet të jetë interesuar për garantimin e lirisë së besimit, apo dhe punësimin e minoritarëve. Nga ana tjetër pjesa e bisedës e destinuar për Kosovën është ndalur në pikën e njohur, në respektimin e të drejtave të njeriut. Atë që Klintoni i ka kërkuar Berishës për grekët në jug të Shqipërisë, ka garantuar t'ia kërkojë edhe Beogradit për Kosovën, liritë dhe të drejtat e njeriut. Nga i dërguari ynë në Uashington, lexoni në faq[e] 3 Presidenti Berisha duke folur dje me gazetarët në oborrin e Shtëpisë së Bardhë përpara takimit me Bill Klinton foto REUTERS