Godo: Kujdes, u ngrit hija e Leninit! Të dielën, u zhvilluan zgjedhjet parlamentare në Rusi dhe Austri Një veteran lufte rus duke votuar të dielën para bustit të Leninit foto Reuters Pardje në Rusi u zhvilluan zgjedhjet e përgjithshme parlamentare për Dumën (Dhoma e Ulët e parlamentit). Në zgjedhje ishin regjistruar 43 parti e subjekte politike, për të zgjedhur deputetët e parlamentit me 450 vende. Sipas ligjit elektoral të miratuar 50% ose 225 deputetë, do të dalin nga votimi direkt, sipas sistemit proporcional, ndërsa 50% syrësh do të zgjidhen sipas sistemit mazhoritar. Numri i listave të zgjedhësve ishte 105 milion vetë. Në zgjedhje morën pjesë rreth 65% e elektoratit, që sipas specialistëve të politikës, konsiderohet një pjesëmarrje e kënaqshme. Deri në orët e vona të natës së djeshme ka qenë e mundur të bëhej numërimi i vetëm 50% të votave. Sipas të dhënave paraprake rezulton se, komunistët kanë marrë rreth 22% të votave, ultranacionalistët e Zhirinovskit rreth 11.2%, qendra e djathtë e Çernomerdinit fitoi 9.5% të dhe partia Jablok 8.4%. Ndërsa partitë e tjera nuk kanë siguruar 5% të votave për të hyrë në parlament. Pas rezultateve të zgjedhjeve politikanë të ndryshëm rusë kanë deklaruar se janë gati për bashkëpunim me të gjitha ato forca, që janë kundër luftës në territorin rus. Media evropianoperëndimore është shprehur shumë e matur ndaj rezultateve të zgjedhjeve duke thënë se kjo është një çështje e brëndshme e Rusisë dhe se është vullneti i popullit rus. Politikanët botërorë nuk kanë shprehur doza pesimizmi në lidhje me rezultatet e zgjedhjeve, madje shumë prej tyre i kanë përshëndetur, duke shprehur optimistë për vazhdimin e reformave të nisura më parë. Zëdhënësi i Shtëpisë së Bardhë, Majk Mekurri, mësohet se është shprehur se “rezultatet paraprake të zgjedhjeve, tregojnë se demokracia në Rusi po ecën përpara”, ndërkohë që zëdhënësi i Departamentit të shtetit të SHBA-së, u shpreh se “rezultatet e deritanishme nuk flasin për frenimin e reformave”. Fitorja e komunistëve rusë është komentuar dje edhe nga politikanë shqiptarë. Republikani Godo tha se “Me fitoren e PK Ruse, u ngrit prapë hija e Leninit”, duke vazhduar se “Perëndimi duhet të rishikojë tërë strategjinë e tij me Lindjen”. Ndërsa socialisti Majko mendon se “Rusia përfundimisht u bë tabllo më e keqe e konkluzion[eve?] radicaliste poskomuniste”. Për liderin socialdemokrat Gjinushi, fitorja e PK Ruse nuk do të thotë ndryshim i madh, pasi në tërësi në vendet e lindjes partitë komuniste tregojnë se kanë një rezultat të qëndrueshëm. Jashtë vëmendjes së politikës ndërkombëtare nuk ka qëndruar edhe fitorja e socialdemokratëve në Austri në zgjedhjet e kësaj të diele. Më gjerësisht në faqe 3 dhe 8

E kish filmuar një kameraman polak Një videokasetë, e cila tregon veprimet e kriminelit që vrau kryeministrin izraelit, Itzhak Rabin, më 4 nëntor u shit dje për 400.000 dollarë. Sipas të dhënave të specialistëve të RTV të Izraelit kjo është videokaseta që është shitur më shtrenjtë deri më sot. Megjithëse kjo bën fjalë për një ngjarje tepër dramatike, ndoshta më dramatiken në historinë e shtetit të Izraelit, ajo ka vlera të mëdha historike, pasi bëhet fjalë për një ngjarje me vlera të mëdha njohëse dhe për median. Regjistrimi, që zgjat tetë minuta, pritet të jepet në kanalin e dytë të TV të Izraelit rreth orës 19.00 të ditës së mërkurë. Kjo videokasetë është përgatitur nga fotoreporteri me origjinë polake, 37 vjeçari, Gershon Slavin[ski?]. Organet shtetërore izraelite kanë ndaluar shitjen e saj, pasi kjo do të kalojë në fondin e arkivës së TV dhe vetëm ai ka të drejtën e administrimit të saj.

“Integrimi në BE do të jetë mjaft i gjatë” Nga vizita e Presidentit Shqiptar në Gjermani faqe 3

Arbnori: “Parlamenti mbështeti vendimin e Kushtetueses” Në Gjykatën Kushtetuese pritet vetëm dhënia e vendimit faqe 2 I ka dhënë fund administrimit të provave shkresore dje Gjykata Kushtetuese në gjyqin për shpalljen e shkarkimit të Zef Brozit, të papajtueshëm me dispozitat kryesore kushtetuese. Në seancën e djeshme, që ishte dhe e treta e kësaj çështjeje, u lexuan të dhënat kompjuterike të votimit në disa nga seancat parar shkarkimit të ish kryetarit të Kasacionit. Pas kësaj Kryetari i Gjykatës Kushtetuese z. Rustem Gjata komunikoi se vendimi do të shpallet në një ditë që do të lajmërohet më pas.

Abdurrahman Haliti: Pasojat le t’i marrin përsipër ata që nuk dinë të bashkëpunojnë Maqedoni, Kryetari i PPD bën publik vendimin Abdurrahman Haliti: Pasojat le t’i marrin përsipër ata që nuk dinë të bashkëpunojnë faqe 5

Me këtë parlament të papërgjegjshëm priten vetëm të këqija Intervistë me z. Neritan Ceka, President i PAD

faqe 13 nga A. Dosti