Atentat i qëllimshëm ndaj shtypit të lirë Dje, bllokohet shpërndarja nëpër rrethe e 11 gazetave Dje, fatkeqësisht, shteti humbi çdo lloj logjike ndaj gazetës më të madhe shqiptare “Koha Jonë”. Ai përdori forcën e shtetit policor. Policë të armatosur me automatikë bllokuan dhe shoqëruan për në polici të gjitha automjetet e gazetës “Koha Jonë”, të cilat po transportonin gazetën nëpër rrethet e vendit. Që në ora 02 të natës makina policie ruanin redaksinë e gazetës, pastaj policët, nën urdhërat që vinin nga radiot e shefave të tyre, sulkatërruan me tytat e automatikëve çdo pako që kishte gazetën “Koha Jonë”. Pas kësaj i gjithë tirazhi prej 21 mijë kopje, i planifikuar për rrethet, u bllokua në polici. Rastësisht, vetëm një automjet i shpejtë operacionit të rajoneve të policisë numër 1 dhe 3, duke arritur të shpërndajë gazetën vetëm në linjën Rrogozhinë-Vlorë. Pas bisedave me shefat e policisë në këto rajone, automjetet vazhdojnë të jenë të bllokuar në polici për një afat të pacaktuar, duke harruar se për blerjen e tyre redaksia ka shpenzuar mijëra dollarë. Kështu deri tani nga ministria e Brendshme gazetës “Koha Jonë” i janë bllokuar 6 automjete, çka na detyron që gazetën ta shpërndajmë me sot me automjete taksi, që kushtojnë çmimet e kokës. Megjithatë stafi drejtues i “KJ” vendosi që me çdo lloj çmimi, duke rrezikuar edhe anën financiare, të shpërndajë gazetën për lexuesit e saj. Me “KJ” transportoheshin edhe gazeta të tjera, kështu që lexuesit nuk i morën dhe disa tituj gazetash të tjera për arsye e vetme se shteti, dje në mëngjes, pësoi një krizë nervore, krizë e cila po të vazhdojë gjatë mund të sjellë mbylljen e shtypit të pavarur shqiptar. Pas akuzave absurde për gjoja financim nga Serbia me 2500 dollarë në muaj, kur vetëm shpenzimet tipografike mujore kapin shifra përtej 100 mijë dollarëve, erdhi presioni i djeshëm i tipit fashist, çka ka rrezikuar seriozisht marrëdhëniet disi të mira shtet-massmedia. Deri pardje besuam vërtet se deklaratat e Berishës për liri shtypi burojnë nga një frymë e një mjeku humanist, por dje kuptuam se ato janë thënë nga një politikan i keq, që edhe dje u hodh djallëzisht kryetar de facto i PD-së. Tashmë marrëdhëniet janë acaruar dhe jo për fajin tonë. Në numrat tjetër vetëm të presim që ndonjë ditë, agjentët e SHIK-ut të na fusin ndonjë pako droge apo 500 mijë dollarë në xhep duke pas kontrolluar dhe thuajse përditë përfundojnë duke riparuar 313 e Tiranës. Megjithatë sec. kjo është lufta për një shtyp të lirë. NIKOLLË LESI Dje gjatë bllokimit nga policia të mjeteve të transportit të shtypit të “KJ” foto G. SHKULLAKU