Krimi rigodet, policia gjakoset
Vriten dy vëllezërit policë Gezim e Besim Neziri. Vrasësit mister
Mbrëmë në orën 21.30 në Tiranë breshëri automatikku mbi policinë
Një tjetër vrasje, kësaj here akoma dhe më e rëndë ka tronditur Policinë. Shtatë muaj më parë u vra komisari i Vlorës, por dje krimi mori jetën e dy vëllezërve të Policisë. Njeri prej tyre mbeti i vrarë në vend, ndërsa tjetri vdiq në spital. Të dy punonin në Policinë e Tiranës, ndërsa në ambulancë për t'i dërguar në Spitalin Ushtarak u identifikuan si vëllezërit Neziri. Vrasja e rëndë ndodhi në kryeqytet mbrëmë, pak orë para se të nisej për në Tiranë ministri i Brendshëm i ardhur nga Amerika në misione të caktuara, numri dy i policisë dhe zëvendësministri i rendit. Ashtu siç bëhet e ditur për «Kohën», njëri nga policët e vrarë, Gezim Neziri, 29 vjeçar, dy fëmijë, ishte me uniformë blu. Tjetri sapo kishte mbaruar turnin në një repart policor. Vrasja ndodhi në rrugën e Krrabës në Tiranë, pranë ndërtesës së Ministrisë së Mbrojtjes, përballë C[?]amit. Sipas burimeve të rezervuara të policisë dyshohet se në vendngjarje, vrasësit kanë mundur të qëllojnë mbi policët. Njeri prej viktimave ishte me makinë private. Vendi ku ka ndodhur krimi është përfshirë nga një terror i vërtetë. Në një njoftim të shkurtër për gazetarët, policia njoftoi se ka vrarë me breshëri automatiku dy qytetarë. Është me interes të përcaktohet emri i viktimave. Punonjësit e policisë u shpërndanë menjëherë në skenën e krimit ku u grumbulluan dhe zyrtarë të lartë të policisë. Në një orë që ka kaluar nga momenti i krimit, tri ambulanca e një zjarrfikëse e cila ishte dërguar për të nxjerrë viktimat, janë në vendngjarje. Në atë kohë i vetmi lloj informacioni që qarkullonte për të eliminuarit ishte se të gjithë ishin policë. Më vonë zyrtarë të policisë thanë se në vendngjarje u ekzekutuan dy policë. Mes të eliminuarve qe vendosur emri i shefit të policisë kriminale të Komisariatit Nr. 1. Ky emër megjithatë doli të jetë krejt i pavërtetë. Për fat të vrarët nuk ishin të policisë kriminale. Të vrarët, përveç se vëllezër, janë njeri shef komisariati dhe tjetri shef antidroge në Rajonin numër 1 të Tiranës. Informacioni mbeti i tillë, pa emra, derisa në Ministrinë e Rendit në sallën e pritjes të antikrimit pyetjet binin rresht njëra pas tjetrës. Asnjë personel policor nuk jepte informacion. Një prej shefave të lartë të policisë, duke kaluar me ngut drejt sallës, tha se janë vrarë dy punonjësit e policisë dhe ato të forcave të ndërhyrjes së shpejtë. Në atë kohë nga konfirmimet e policisë erdhi zyrtarisht emri i dy policëve. Gezim e Besim Neziri, dy vëllezërit. I pari qe vrarë menjëherë pas sulmit ndërsa tjetri në spital. Në njoftim thuhej se të vrarët ishin në shërbim në rajonin nr. 1 të Tiranës.
Foto 5. Qeshin e trishtit