Die konferencë shtypi e kryeministrit Nano - Përsëri kundër fajdeve . Hetimet për paratë e pista. Firmat piramidale kanë bërë pastrim parash. Faqe 3.

Pavarësisht nga dhuna që u përdor ndaj shqiptarëve të Kosovës në Prishtinë, shqiptarët në një farë mënyre duhet t’i thonë “faleminderit” regjimit serb. Shqiptarët fituan atë që donin: diskreditimin e politikës primitive të Beogradit. Politika serbe në të gjitha cepat e Ballkanit ku flitet serbisht, mori goditje të ndryshme dhe humbi moralit në të gjitha aspektet. Në të njëjtën ditë që u keqtrajtuan shqiptarët në Kosovë, u zhvilluan mitingjet e opozitës në Beograd dhe në Republikën Serbe të Bosnjës, trupat paqeruajtëse të SFORIT kapën katër transmetues televizivë duke i dhënë kështu fund propagandës serbe kundra NATO-s. Në këtë mënyrë, Komuniteti Ndërkombëtar me në krye SHBA, e diskreditoi regjimin e Millosheviçit para dhe mbrapa: duke u treguar dhëmbët serbëve, duke u bërë të ditur se Marrëveshja e Dejtonit, e firmosur nga kryetari i shtetit serb, Slobodan Millosheviç do të zbatohet pikë për pikë, dhe në të njëjtën kohë duke u dhënë atyre goditjen morale në Prishtinë. Për Millosheviçin 1 tetori i vitit 1997 në Prishtinë, është si 28 maji i vitit 1996 në Tiranë për Berishën. Shqiptarët e dëshmuan botës se me serbët është vështirë të dialogosh dhe se një regjim i tillë mund të krijojë akoma probleme për Ballkanin. Ndërkohë edhe politika e jashtme tremujore e Tiranës shënoi në një farë mënyre suksesin e parë moral ndaj Serbisë. Takimi i papërsëritshëm Milo- Milutinoviç rifitoi një kuptim tjetër, që përkthehej: Tirana i zgjati dorën Beogradit për të hapur në mënyrë të civilizuar dialogun shqiptaro-serb, ndërsa Beogradi e mbylli këtë derë në mënyrë brutale në Prishtinë. Komuniteti Ndërkombëtar dhe i gjithë opinioni publik e kuptoi më mirë se kurrë se kush është regjimi serb dhe se pa presion të vazhdueshëm ndërkombëtar ndaj Serbisë, ekonomik dhe politik, Marrëveshja e Dejtonit nuk mund të vihet në jetë. Presionin më të madh duhet se do ta iniciojnë si gjithmonë amerikanët, arkitektët e Marrëveshjes së Dejtonit, për të cilët mosrealizimi i plotë i saj do të ishte një dështim i madh moral, ashtu sikurse dështimi i europianëve për t’i dhënë fund luftës në Bosnjë. Presidenti Klinton në fillim të mandatit të tij të dytë e bëri të qartë se politika amerikane do të merret më seriozisht se kurrë me Ballkanin. Dhe shenjat e para u dhanë. Po ç’vend zë Kosova në politikën amerikane? Është thjesht një mjet presioni ndaj regjimit serb, për ta shtrënguar atë të respektojë Marrëveshjen e Dejtonit, apo një tokë ku do të ketë më tepër meriton të jetojë në të ardhmen atë që ka fituar tani për tani moralish[?]? Apo pak nga të gjitha? Përpara formulës politike amerikane në Ballkan, politikës shqiptare në të dyja anët e kufirit, nuk i mbetet shumë për të bërë. Ashtu si Rugova, edhe Milo ka dhënë shenjan se do ta ndërtojë politikën shqiptare bazuar mbi rekomandimet e çdo buletini që botohet në Washington. Por politika shqiptare duhet të jetë e pavarur nga lëvizjet e mëdha që kërkojë më pak se sa mund të kërkohet. Pas dhunës së fundit që ndodhi në Prishtinë, shqiptarët e kanë gojën plot ta rrisin “pazarin” për Kosovën, pavarësisht nga ajo që mund të fitojnë.

foto G.Shkullaku Kryeministri Nano dje gjatë konferencës për shtyp

Mister në Laprakë. “Ndoshta donin të asgjësonin avionin ushtarak” . Predha reaktive në pistën e avionave. Eksplozivët e rrezikshëm i kanë vendosur disa persona me maska. Mister në fushën e Aviacionit dje në Laprakë. Ka qenë ora 11.30 kur një grup personash me maska, me shpejtësi rrufe, kanë ndaluar makinën e tyre pranë një avioni dhe pasi kanë lënë në tokë një thes të cilin kishte eksploziv, janë larguar në mënyrë të mistershme. F 2

Sarandë plagoset një nga uniformat blu . Sulm me antitank mbi komisariatin e policisë. F 11

Takim i Fatos Nanos pas kthimit nga SHBA . Incident në sallën e Kongreseve. F 3

Intervistë e Ministrit të Jashtëm Paskal Milo . Beogradi premtoi, ne po presim. F 4

Parlamenti aprovon propozimin Lesi . Hetimet për muajt e revolteve. F 5

Sulmi i policisë në Vlorë kundër kontrabandës . Digjen 1 miliard lekë cigare. F 15