Shkodër, fillojnë hetimet nga Prokuroria dhe SHIK. Në listë dhe shumë politikanë Prokuroria: Nëse ka prova, do të kërkojmë heqjen e imunitetit të Jozefina Topallit Faqe 2

Gjatë këtyre pak ditëve mund të thuhet se politika shqiptare është invaduar nga politikanët e Evropës që zbarkuan në Shqipëri në kuadër të përfaqësimit të institucioneve të rëndësishme evropiane. Ardhja e emisarëve evropianë në Shqipëri ishte e lidhur me preokupimin e strukturave evropiane lidhur me mungesën e stabilitetit politik dhe problemet në ecurinë e procesit parlamentar. Si pasojë, një nga aspektet themelore të misionit të të dërguarve të Evropës në Shqipëri, ishte ushtrimi i presionit mbi PD-në, në mënyrë që kjo të injorohet në rrjedhat normale të politikës, duke u angazhuar në procesin e hartimit të kushtetutës, por edhe duke hequr dorë nga bojkotimi i parlamentit. Madje që para se të merrnin rrugën drejt Tiranës, ministrat e trojkës së OSBE-së, i drejtuan PD-së nga Varshava kërkesën për të hyrë në parlament dhe për të marrë pjesë në hartimin e kushtetutës. Ndoshta, jo rastësisht në delegacionin e fundit figuronin edhe emra të tillë të politikës evropiane, të njohur për lidhjet miqësore me Berishën apo ndihmësit e tij. Duke gjykuar mbi përmbajtjen e takimeve të emisarëve evropianë me protagonistët e politikës shqiptare, sidomos liderët demokratë, merret vesh lehtë se për ta është fare e qartë se stërmbullari i të gjitha veprimeve të cilat lidhen me vetëpërjashtimin e PD-së nga jeta politike normale është mosnjohja e parlamentit. Kështu, edhe përsa i përket miratimit të kushtetutës, Berisha dhe ndihmësit e tij, vazhdimisht janë shprehur se “parlamenti i kallashnikovëve nuk ka të drejtë të hartojë një kushtetutë”. Por mosnjohja e parlamentit, sigurisht është pjesë e planeve të PD-së për të shkuar sa më parë në zgjedhje të reja me shpresën për t’u rikthyer në pushtet. Pa dyshim, në shërbim të kësaj është edhe ideja e krijimit të një Asambleje Kushtetuese, e cila do ta çonte popullin në kutitë e votimit. Megjithatë, duke folur për lojën e mosnjohjen e parlamentit, PD-së i duhet shumë mund në gjetjen e argumenteve bindëse, pasi kundër saj luan jo vetëm pranimi që ajo i bëri zgjedhjeve të 29 qershorit por edhe i kushtetutës në të cilat ato u zhvilluan. Kështu, PD i ngjan një lojtari, i cili pasi ka humbur lojën ankohet për rregullat të cilat i kishte pranuar po vetë. Fakti që gjatë gjithë kësaj periudhe sugjerohet nga jashtë ndaj PD-së për të hyrë në parlament apo për të mos bojkotuar procesin e kushtetutës kanë qenë vazhdimisht të pranishme, tregon se Evropa nuk pajtohet me opcionet e pretenduara nga PD. Të njëjtën linjë mban po e përsërisin tani edhe zonjat Fisher e Pack duke u përpjekur ta fusin Berishën në hullinë e duhur. Gjithsesi, gjithë këta muaj mund të konsiderohen kohë e humbur për PD-në.

Forcat speciale të dërguara nga Tirana duke patrulluar dje në Shkodër. Foto REUTERS

Bisedime të tensionuara mbrëmë vonë, Berisha kundërshton komisionin kushtetues Die mbërrin në Tiranë “trojka” europiane. Takime të vështira Socialistët e demokratët nuk po mundin të rakordojnë veprimet për procesin e hartimit të kushtetutës. Dje pasdite takimeve të zgjeruara përfaqësues të të gjitha forcave politike, një delegacion i KE, OSBE dhe Parlamentit Evropian ende nuk kanë mundur të japin një zgjidhje përfundimtare për hartimin e dokumentit themeltar të vendit. “Tryeza e rrumbullakët që kërkoni ju për diskutimin e Kushtetutës nuk parashikohet nga ligji”, - tha Pack, Pollos. F 3

Arrestohen në Gostivar shqiptarët trafikantë Armë shqiptare në Maqedoni F 8 Presidenti shqiptar drejt Amerikës Meidani, takim dhe me Klinton F 4 Mb lidhet Rinia Komuniste, Kongresi në pranverë PKSH, legalizimi javën tjetër F 4 Koalicioni qeveritar dhe DBSH dokument i përbashkët Pozitë - opozitë, pakt antikim F 5 Pierre Cardin, Levis, Dallas, veshje kontrabandë Dyqanet e modës vihen nën hetim F 7 Shpërthimi i tubacionit rrezikon qytetin Kavaja, tre ditë pa ujë F 9 Tjetër çudi në maternitetin e Tiranës Lindin dhe vdesin dy foshnja - peshk F 6